Airteagal 1
Leagtar síos leis an Rialachán seo bearta chun an comhshaol agus sláinte an duine a chosaint agus chun rannchuidiú le neodracht aeráide agus le geilleagar ciorclach agus truailliú nialasach a bhaint amach trí na drochthionchair is féidir teacht as loingsithe dramhaíola agus as cóireáil na dramhaíola ag a ceann scríbe a chosc nó a laghdú. Bunaítear leis nósanna imeachta agus córais rialaithe maidir le loingsithe dramhaíola, ag brath ar thionscnamh, ceann scríbe agus bealach an loingsithe, ar chineál na dramhaíola agus ar an gcineál cóireála atá le cur i bhfeidhm ar an dramhaíl ag a ceann scríbe.