+Airteagal 9 Toiliú ó na húdaráis inniúla agus tréimhsí maidir le loingsiú, aisghabháil nó diúscairt
---+Airteagal 9 1.
---+Airteagal 9 2.
---+Airteagal 9 3.
---+Airteagal 9 4.
---+Airteagal 9 5.
---+Airteagal 9 6.
---+Airteagal 9 7.
---+Airteagal 9 8.
---+Airteagal 9 9.

Airteagal 9 Toiliú ó na húdaráis inniúla agus tréimhsí maidir le loingsiú, aisghabháil nó diúscairt

1. Forbhreathnú

,
Airteagal 9 1.

Deanfaidh na húdaráis inniúla cinn scríbe, na húdaráis inniúla seolta agus na húdaráis inniúla idirthurais, laistigh de 30 lá ón dáta a cuireadh an fógróir ar an eolas i gcomhréir le hAirteagal 8(12) go bhfuil an fógra comhlánaithe mar is ceart, ceann de na cinntí seo a leanas, a bheidh réasúnaithe go cuí, maidir leis an loingsiú:

(a) 

toiliú a thabhairt gan choinníollacha;

(b) 

toiliú le coinníollacha a thabhairt i gcomhréir le hAirteagal 10;

(c) 

agóid a dhéanamh i gcomhréir le hAirteagal 12;

(d) 

gan toiliú a thabhairt, i gcás nach gcomhlíontar na coinníollacha dá dtagraítear in Airteagal 11.

De mhaolú ar an gcéad fhomhír, féadfaidh an t-údarás inniúil seolta cinneadh a dhéanamh i gcomhréir leis an gcéad fhomhír, pointe (c) nó (d), tar éis dó an fógra a fháil agus sula measfaidh sé go ndearnadh mar is ceart é, más léir nár comhlíonadh na coinníollacha in Airteagal 11 nó go bhfuil forais ann le hagóid a dhéanamh i gcomhréir le hAirteagal 12.

De mhaolú ar an gcéad fhomhír, féadfaidh údarás inniúil lena mbaineann cinneadh a dhéanamh i gcomhréir leis an gcéad fhomhír, pointe (c) nó (d), roimh an dáta a cuireadh an fógróir ar an eolas i gcomhréir le hAirteagal 8(12), a luaithe a bheidh an fógra déanta mar is ceart, dá dtagraítear in Airteagal 5(5).

Féadfar glacadh leis go bhfuil toiliú intuigthe faighte ó na húdaráis inniúla idirthurais mura ndéanfar agóid a thaisceadh laistigh den teorainn ama 30 lá dá dtagraítear sa chéad fhomhír.
Airteagal 9 2.
Déanfaidh na húdaráis inniúla seolta, na húdaráis inniúla cinn scríbe, agus, i gcás inarb iomchuí, idirthurais, an fógróir a chur ar an eolas faoina gcinneadh agus na cúiseanna atá leis laistigh den teorainn ama 30 lá dá dtagraítear i mír 1, an chéad fhomhír, agus cuirfidh siad na húdaráis inniúla eile lena mbaineann ar an eolas faoin gcinneadh sin. Déanfaidh an t-údarás inniúil an fógróir agus na húdaráis inniúla eile lena mbaineann a chur ar an eolas láithreach faoi chinntí a dhéantar i gcomhréir le mír 1, an dara fomhír agus an tríú fomhír.

Beidh na toilithe intuigthe dá dtagraítear i mír 1, an ceathrú fomhír, bailí ar feadh na tréimhse a léirítear sa toiliú i scríbhinn arna thabhairt ag an údarás inniúil cinn scríbe i gcomhréir leis an gcéad fhomhír.

Más rud é, laistigh de 30 lá ón dáta a cuireadh an t-údarás inniúil seolta nó údarás inniúil idirthurais lena mbaineann ar an eolas i gcomhréir le hAirteagal 8(12), nach bhfuil cinneadh déanta ag aon cheann de na húdaráis inniúla lena mbaineann i gcomhréir leis an gcéad fhomhír de mhír 1, soláthróidh sé míniú réasúnaithe don fhógróir arna iarraidh sin.
Airteagal 9 3.
Má chuireann fógróir fógra isteach i gcomhréir le hAirteagal 5 agus, i gcás inarb ábhartha, le hAirteagal 13, chuig long, i gcomparáid le fógra toilithe, maidir leis an gcineál céanna dramhaíola ón suíomh céanna sa tír seolta chuig an gcoinsíní céanna agus chuig an tsaoráid chéanna agus trínarb ionann na tíortha idirthurais, más ann dóibh, cuirfidh na húdaráis inniúla aon fhaisnéis san áireamh a cuireadh isteach roimhe sin i gcomhréir le hAirteagal 5(2), (3) agus (4) nó le hAirteagal 13(2) agus (3) agus déanfaidh siad cinneadh i gcomhréir le mír 1 den Airteagal seo a luaithe is féidir.
Airteagal 9 4.
Rachaidh toiliú i scríbhinn maidir le loingsiú in éag ar an dáta is luaithe ag deireadh na dtréimhsí bailíochta mar a léirigh na húdaráis inniúla lena mbaineann. Ní chumhdófar leis tréimhse níos faide ná 1 bhliain.
Airteagal 9 5.
Ní dhéanfar an loingsiú ach amháin tar éis do na ceanglais a leagtar amach in Airteagal 16(1) agus (2) a bheith comhlíonta, agus le linn thréimhse bhailíochta an toilithe intuigthe nó an toilithe i scríbhinn ó na húdaráis inniúla uile lena mbaineann i gcomhréir le mír 4 den Airteagal seo. Beidh an dramhaíl faighte ag an tsaoráid lena haisghabháil nó lena diúscairt roimh dheireadh thréimhse bhailíochta an toilithe intuigthe nó an toilithe i scríbhinn ó na húdaráis inniúla uile lena mbaineann.
Airteagal 9 6.
Déanfar aisghabháil nó diúscairt na dramhaíola i ndáil leis an loingsiú a thabhairt chun críche tráth nach déanaí ná 1 bhliain tar éis fháil na dramhaíola ag an tsaoráid ina ndéanfar an dramhaíl a aisghabháil nó a dhiúscairt, mura léireoidh na húdaráis inniúla lena mbaineann ina gcinneadh tréimhse níos lú ná sin.
Airteagal 9 7.

Déanfaidh na húdaráis inniúla lena mbaineann a dtoiliú intuigthe nó a dtoiliú i scríbhinn a tharraingt siar, arna iarraidh sin don fhógróir nó i gcás ina mbeidh eolas acu ar aon cheann de na nithe seo a leanas:

(a) 

nach bhfuil comhdhéanamh na dramhaíola mar a tugadh fógra faoi;

(b) 

nach ndearnadh na coinníollacha a fhorchuirtear ar an loingsiú a urramú;

(c) 

nach ndearnadh an dramhaíl a aisghabháil nó a dhiúscairt i gcomhréir le cead na saoráide ina ndéantar an aisghabháil nó an diúscairt;

(d) 

go bhfuil an dramhaíl le loingsiú, le haisghabháil nó le diúscairt nó gur loingsíodh, gur aisghabhadh nó gur diúscraíodh í ar bhealach nach bhfuil i gcomhréir leis an bhfaisnéis a sholáthraítear sna doiciméid fógartha agus ghluaiseachta nó atá ag gabháil leo mar iarscríbhinn;

(e) 

an ráthaíocht airgeadais a fhoirceannadh;

(f) 

an conradh a fhoirceannadh.
Airteagal 9 8.
Cuirfidh an t-údarás inniúil lena mbaineann an fógróir, na húdaráis inniúla eile lena mbaineann agus an coinsíní ar an eolas faoi aon tarraingt siar toilithe, lena n-áirítear an chúis leis an tarraingt siar sin.
Airteagal 9 9.
I gcás ina ndéanfar toiliú ó aon cheann de na húdaráis inniúla lena mbaineann a tharraingt siar i gcomhréir le mír 7 den Airteagal seo, ní cheadófar leanúint den loingsiú dramhaíola ná den aisghabháil dramhaíola, i gcás inarb infheidhme, agus beidh feidhm ag Airteagal 22 nó Airteagal 25, de réir mar is ábhartha.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin