Airteagal 39 3.

I gcásanna eisceachtúla, féadfaidh Ballstáit foráil a dhéanamh, ar bhonn fianaise dhoiciméadach arna soláthar ag an bhfógróir, go n-eisiafar dramhaíl ghuaiseach shonrach a liostaítear in Iarscríbhinn V a ghabhann leis an Rialachán seo nó sa liosta dramhaíola dá dtagraítear in Airteagal 7 de Threoir 2008/98/CE ón toirmeasc ar onnmhairiú dá dtagraítear i mír 1, i gcás nach léiríonn an dramhaíl sin aon cheann de na hairíonna a liostaítear in Iarscríbhinn III a ghabhann le Treoir 2008/98/CE, agus na critéir agus na scoithluachanna agus teorainneacha tiúchana is infheidhme á gcur san áireamh maidir le haicmiú dramhaíola mar dhramhaíl ghuaiseach mar a shonraítear san Iarscríbhinn sin. I gcás ina ndearnadh tástáil chun measúnú a dhéanamh ar airí guaiseach dramhaíola agus trí leas a bhaint as tiúchan na substaintí guaiseacha mar a shonraítear in Iarscríbhinn III a ghabhann le Treoir 2008/98/CE, is ag torthaí na tástála a bheidh tosaíocht.