+Airteagal 62 Pleananna cigireachta
---+Airteagal 62 1.
---+Airteagal 62 2.
---+Airteagal 62 3.
---+Airteagal 62 4.
---+Airteagal 62 5.

Airteagal 62 Pleananna cigireachta

1. Forbhreathnú

,
Airteagal 62 1.
Áiritheoidh na Ballstáit, i ndáil lena gcríoch gheografach iomlán, go ndéanfar plean amháin nó níos mó ná sin a bhunú, bíodh sé ina phlean leithleach nó mar chuid atá sainithe go soiléir de phleananna eile, chun cigireachtaí a dhéanamh de bhun Airteagal 60(1) (‘plean cigireachta’).

Beidh pleananna cigireachta bunaithe ar mheasúnú riosca lena gcumhdófar sruthanna sonracha dramhaíola agus foinsí loingsithe neamhdhleathacha, torthaí na gcigireachtaí a rinneadh roimhe sin agus breithniú á dhéanamh, i gcás inarb iomchuí, ar shonraí faisnéisbhunaithe amhail sonraí maidir le himscrúduithe arna ndéanamh ag póilíní agus ag údaráis custam agus anailísí ar ghníomhaíochtaí coiriúla chomh maith le faisnéis iontaofa ó dhaoine nádúrtha nó dlítheanacha maidir le loingsithe neamhdhleathacha a d’fhéadfadh a bheith ann, faisnéis ábhartha a bhaineann le bainistiú dramhaíola atá á loingsiú agus faisnéis lena léirítear go bhfuil cosúlachtaí idir loingsiú agus loingsithe a sainaithníodh roimhe sin mar loingsithe neamhdhleathacha. Sa mheasúnú riosca sin cuirfear i gcuntas go háirithe an gá atá le fíoruithe a dhéanamh i dtaobh an gcomhlíonann daoine nádúrtha agus dlítheanacha a onnmhairíonn dramhaíl ón Aontas na hoibleagáidí a leagtar síos in Airteagal 46. Beidh sé d’aidhm ag an measúnú riosca sin, inter alia, íoslíon agus minicíocht na gcigireachtaí atá riachtanach a shainaithint, lena n-áirítear seiceálacha fisiceacha ar bhunaíochtaí, gnóthais, bróicéirí, déileálaithe agus loingsithe dramhaíola nó ar an aisghabháil nó diúscairt ghaolmhar.
Airteagal 62 2.

Beidh na gnéithe seo a leanas ar a laghad san áireamh sna pleananna cigireachta:

(a) 

cuspóirí agus tosaíochtaí na gcigireachtaí, lena n-áirítear tuairisc ar an gcaoi a sainaithníodh na cuspóirí agus na tosaíochtaí sin;

(b) 

an limistéar geografach a chumhdaítear leis an bplean cigireachta;

(c) 

faisnéis faoi chigireachtaí atá beartaithe, lena n-áirítear faisnéis faoi íoslíon na gcigireachtaí agus na seiceálacha fisiceacha atá le déanamh i ngach bliain féilire ar bhunaíochtaí, gnóthais, bróicéirí, déileálaithe agus loingsithe dramhaíola nó ar an aisghabháil nó diúscairt ghaolmhar, a shainaithnítear i gcomhréir leis an measúnú riosca dá dtagraítear i mír 1;

(d) 

na tascanna a shanntar do gach údarás a bhfuil baint aige le cigireachtaí;

(e) 

socruithe don chomhar idir údaráis a bhfuil baint acu le cigireachtaí;

(f) 

faisnéis faoi oiliúint na gcigirí maidir le hábhair a bhaineann le cigireachtaí; agus

(g) 

faisnéis faoi na hacmhainní daonna, na hacmhainní airgeadais agus na hacmhainní eile chun an plean cigireachta a chur chun feidhme.
Airteagal 62 3.
Déanfar athbhreithniú ar phlean cigireachta ar a laghad gach 3 bliana agus i gcás inarb iomchuí, tabharfar cothrom le dáta é. Déanfar meastóireacht san athbhreithniú sin ar a mhéid a cuireadh cuspóirí agus eilimintí eile an phlean cigireachta sin chun feidhme.
Airteagal 62 4.
Gan dochar do na ceanglais rúndachta is infheidhme, cuirfidh na Ballstáit an Coimisiún ar an eolas faoi na pleananna cigireachta dá dtagraítear i mír 1 agus faoi aon athbhreithniú substaintiúil a dhéanfar orthu gach 3 bliana, agus den chéad uair 1 bhliain amháin tar éis dháta theacht i bhfeidhm an Rialacháin seo.
Airteagal 62 5.
Déanfaidh an Coimisiún na pleananna cigireachta ar thug na Ballstáit fógra ina leith a athbhreithniú i gcomhréir le mír 4 agus, más iomchuí, tuarascálacha a tharraingt suas, a bheidh bunaithe ar an athbhreithniú ar na pleananna sin, maidir le cur chun feidhme an Airteagail seo. Féadfar a áireamh sna tuarascálacha sin, inter alia, moltaí maidir le tosaíochtaí cigireachtaí agus maidir le comhar agus comhordú forfheidhmiúcháin idir na húdaráis inniúla a bhfuil baint acu le cigireachtaí. Féadfar na tuarascálacha sin a thíolacadh freisin, i gcás inarb iomchuí, i gcruinnithe an ghrúpa forfheidhmiúcháin um loingsiú dramhaíola arna bhunú faoi Airteagal 66, agus cuirfear ar fáil do Pharlaimint na hEorpa agus don Chomhairle iad.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin