Airteagal 72
I gcás nach bhfuil feidhm ag na forálacha in Airteagal 27 nó i gcás nach bhfuil gníomhaithe atá lasmuigh den Aontas nasctha leis an lárchóras dá dtagraítear in Airteagal 27(3), féadfaidh na gníomhaithe ábhartha faisnéis agus doiciméid dá dtagraítear sa Rialachán seo a chur isteach agus a mhalartú tríd an bpost, trí fhacs, trí ríomhphost le síniú digiteach, trí ríomhphost gan síniú digiteach agus tríd an bpost ina dhiaidh sin nó, i gcás ina ndéantar comhaontú idir na gníomhaithe lena mbaineann, trí ríomhphost gan síniú digiteach. I gcás ríomhphost le síniú digiteach, cuirfear an síniú digiteach in ionad aon stampa nó síniú a cheanglaítear.