+Airteagal 62 1

Airteagal 62 1

1.   Áiritheoidh eintitis dhlítheanacha agus iontaobhaithe iontaobhas sainráite nó daoine a bhfuil poist choibhéiseacha i socruithe dlíthiúla comhchosúla acu go mbeidh an fhaisnéis faoi úinéireacht thairbhiúil atá ina seilbh acu, a sholáthraíonn siad d’eintitis faoi oibleagáid i gcomhthéacs nósanna imeachta díchill chuí do chustaiméirí i gcomhréir le Caibidil III nó a chuireann siad isteach chuig cláir lárnacha leordhóthanach, cruinn agus cothrom le dáta.

Áireofar an méid seo a leanas san fhaisnéis faoi úinéireacht thairbhiúil dá dtagraítear sa chéad fhomhír:

(a)

gach ainm agus sloinne, áit bhreithe agus dáta breithe iomlán, seoladh cónaithe, tír chónaithe agus náisiúntacht nó náisiúntachtaí an úinéara thairbhiúil, uimhir an doiciméid aitheantais, mar shampla pas nó doiciméad aitheantais náisiúnta, agus i gcás inar ann dó, uimhir aitheantais phearsanta uathúil arna sannadh do dhuine ag a ghnáth-thír chónaithe nó a gnáth-thír chónaithe, agus cur síos ginearálta ar fhoinse na huimhreach sin;

(b)

cineál agus méid an leasa thairbhiúil a shealbhaítear san eintiteas dlítheanach nó sa socrú dlíthiúil, bíodh sin trí leas úinéireachta nó rialú trí mhodhanna eile, chomh maith leis an dáta ónar sealbhaíodh an leas tairbhiúil;

(c)

faisnéis faoin eintiteas dlítheanach arb é an duine nádúrtha a úinéir tairbhiúil i gcomhréir le hAirteagal 22(1), pointe (b), nó, i gcás socruithe dlíthiúla arb é an duine nádúrtha an t-úinéir tairbhiúil orthu, faisnéis bhunúsach faoin socrú dlíthiúil;

(d)

i gcás ina bhfuil níos mó ná eintiteas dlítheanach amháin nó socrú dlíthiúil amháin i gceist ó thaobh struchtúr úinéireachta agus rialaithe de, cur síos ar an struchtúr sin, lena n-áirítear ainmneacha agus, i gcás inar ann dóibh, uimhreacha aitheantais na n-eintiteas dlítheanach aonair nó na socruithe dlíthiúla aonair atá mar chuid den struchtúr sin, agus cur síos ar na gaolmhaireachtaí eatarthu, lena n-áirítear sciar an leasa a shealbhaítear;

(e)

i gcás ina sainaithneofar aicme tairbhithe faoi Airteagal 59, cur síos ginearálta ar shaintréith aicme na dtairbhithe;

(f)

i gcás ina sainaithneofar ábhair cumhachta agus faighteoirí i gcás mainneachtana faoi Airteagal 60:

(i)

i gcás daoine nádúrtha, a n-ainmneacha agus a sloinnte;

(ii)

i gcás eintitis dhlítheanacha agus socruithe dlíthiúla, a n-ainmneacha;

(iii)

i gcás aicme ábhar cumhachta nó faighteoirí i gcás mainneachtana, cur síos uirthi.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin