6. Eintitis faoi oibleagáid atá rannpháirteach i gcomhpháirtíochtaí comhroinnte faisnéise, saineoidh siad beartais agus nósanna imeachta chun faisnéis a chomhroinnt ina mbeartais agus ina nósanna imeachta inmheánacha arna mbunú de bhun Airteagal 9. Maidir leis na beartais agus na nósanna imeachta sin:
|
(a)
|
sonrófar iontu an measúnú a bheidh le déanamh chun méid na faisnéise a bheidh le comhroinnt a chinneadh, agus i gcás inarb ábhartha i ndáil le cineál na faisnéise nó na coimircí breithiúnacha is infheidhme, déanfar foráil iontu maidir le rochtain dhifreáilte nó theoranta ar fhaisnéis do chomhaltaí na comhpháirtíochta;
|
|
(b)
|
tabharfar tuairisc iontu ar róil agus ar fhreagrachtaí na bpáirtithe sa chomhpháirtíocht comhroinnte faisnéise;
|
|
(c)
|
sainaithneofar iontu na measúnuithe riosca a chuirfidh an t-eintiteas faoi oibleagáid san áireamh chun cásanna ardriosca a chinneadh inar féidir faisnéis a chomhroinnt.
|
Déanfar na beartais agus nósanna imeachta inmheánacha dá dtagraítear sa chéad fhomhír a tharraingt suas sula mbeifear rannpháirteach i gcomhpháirtíocht comhroinnte faisnéise.