Artikolu 32 Remunerazzjoni varjabbli

fejn ir-remunerazzjoni varjabbli tkun relatata mal-prestazzjoni, l-ammont totali tar-remunerazzjoni varjabbli jkun ibbażat fuq taħlita tal-valutazzjoni tal-prestazzjoni tal-individwu, tal-unità tan-negozju kkonċernata u tar-riżultati ġenerali tad-ditta tal-investiment;

meta tiġi vvalutata l-prestazzjoni tal-individwu, jittieħed kont kemm tal-kriterji finanzjarji kif ukoll ta' dawk mhux finanzjarji;

il-valutazzjoni tal-prestazzjoni msemmija fil-punt (a) hija bbażata fuq perijodu pluriennali, filwaqt li jittieħed kont taċ-ċiklu tan-negozju tad-ditta tal-investiment u tar-riskji tan-negozju tagħha;

ir-remunerazzjoni varjabbli ma taffettwax il-kapaċità tad-ditta tal-investiment li tiżgura bażi kapitali soda;

ma jkun hemm ebda remunerazzjoni varjabbli garantita għajr għal persunal ġdid għall-ewwel sena tal-impjieg biss tal-persunal il-ġdid u meta d-ditta tal-investiment ikollha bażi kapitali soda;

il-pagamenti relatati mat-terminazzjoni bikrija ta' kuntratt ta' impjieg jirriflettu l-prestazzjoni miksuba matul iż-żmien mill-individwu u ma jippremjawx falliment jew imġiba ħażina;

pakketti ta' remunerazzjoni relatati mal-kumpens jew mal-akkwiżizzjoni minn kuntratti f'impjieg preċedenti huma allinjati mal-interessi fit-tul tad-ditta tal-investiment;

il-kejl tal-prestazzjoni użat bħala bażi għall-kalkolu ta' raggruppamenti ta' remunerazzjoni varjabbli jieħu kont tat-tipi kollha ta' riskji attwali u futuri u l-ispiża tal-kapital u tal-likwidità meħtieġa f'konformità mar-Regolament (UE) 2019/2033;

l-allokazzjoni tal-komponenti varjabbli tar-remunerazzjoni fi ħdan id-ditta tal-investiment tieħu kont tat-tipi kollha ta' riskji attwali u futuri;

mill-inqas 50 % tar-remunerazzjoni varjabbli tikkonsisti fi kwalunkwe wieħed mill-istrumenti li ġejjin:

permezz ta' deroga mill-punt (j), fejn ditta tal-investiment ma toħroġ ebda wieħed mill-istrumenti msemmija f'dak il-punt, l-awtoritajiet kompetenti jistgħu japprovaw l-użu ta' arranġamenti alternattivi li jissodisfaw l-istess objettivi;

mill-inqas 40 % tar-remunerazzjoni varjabbli jkunu differiti tul perijodu ta' tlieta sa ħames snin kif adatt, skont iċ-ċiklu tan-negozju tad-ditta tal-investiment, in-natura tan-negozju tagħha, ir-riskji tagħha u l-attivitajiet tal-individwu inkwistjoni, ħlief fil-każ ta' remunerazzjoni varjabbli ta' ammont partikolarment għoli meta l-proporzjon tar-remunerazzjoni varjabbli differita jkun ta' mill-inqas 60 %;

sa 100 % tar-remunerazzjoni varjabbli hija kkuntrattata meta l-prestazzjoni finanzjarja tad-ditta tal-investiment tkun dgħajfa jew negattiva, inkluż permezz ta' arranġamenti ta' malus jew ta' rkupru soġġetti għal kriterji stabbiliti mid-ditti tal-investiment li jkopru b'mod partikolari sitwazzjonijiet li fihom l-individwu inkwistjoni:

il-benefiċċji diskrezzjonarji tal-pensjoni jkunu konformi mal-istrateġija tan-negozju, mal-objettivi, mal-valuri u mal-interessi fit-tul tad-ditta tal-investiment.

li l-individwi msemmija fl-Artikolu 30(1) ma jużawx strateġiji personali ta' hedging jew assigurazzjonijiet relatati mar-remunerazzjoni u mar-responsabbiltà biex ixekklu l-prinċipji msemmija fil-paragrafu 1;

li r-remunerazzjoni varjabbli ma titħallasx b'veikoli jew b'metodi finanzjarji li jiffaċilitaw nuqqas ta' konformità ma' din id-Direttiva jew mar-Regolament (UE) Nru 2019/2033.

ditta tal-investiment, fejn il-valur tal-assi barra u ġewwa l-karta bilanċjali tagħha jkun bħala medja daqs jew anqas minn EUR 100 miljun tul il-perijodu ta' erba' snin li jiġu eżatt qabel is-sena finanzjarja partikolari;

individwu li r-remunerazzjoni varjabbli annwali tiegħu ma taqbiżx il-EUR 50 000 u li ma tirrappreżentax aktar minn kwart ta' dik ir-remunerazzjoni annwali totali tal-individwu.

id-ditta tal-investiment mhijiex, fl-Istat Membru fejn hija stabbilita, waħda mill-akbar tliet ditti tal-investiment f'termini ta' valur totali tal-assi;

id-ditta tal-investiment mhijiex soġġetta għa obbligi jew soġġetta għal obbligi simplifikati fir-rigward tal-ippjanar ta' rkupru u riżoluzzjoni skont l-Artikolu 4 tad-Direttiva 2014/59/UE;

id-daqs tan-negozju fil-portafoll tan-negozjar fil-karta bilanċjali u barra l-karta bilanċjali tad-ditta ta' investiment huwa ugwali għal jew inqas minn EUR 150 miljun;

id-daqs tan-negozju tad-derivati fil-karta bilanċjali u barra l-karta bilanċjali tad-ditta ta' investiment huwa ugwali għal jew inqas minn EUR 100 miljun;

il-livell limitu ma jaqbiżx l-EUR 300 miljun; u

huwa adatt li jiżdied il-livell limitu, filwaqt li jittieħed kont tan-natura u tal-ambitu tal-attivitajiet tad-ditta tal-investiment, tal-organizzazzjoni interna tagħha, u, fejn applikabbli, il-karatteristiċi tal-grupp li tappartjeni għalih.