Artikolu 5 Rekwiżiti relatati mal-għoti tad-drittijiet ta' residenza bi skambju għal investiment

1.   Stati Membri li d-dritt nazzjonali tagħhom jippermetti l-għoti tad-drittijiet ta' residenza bi skambju għal kwalunkwe tip ta' investiment, bħal trasferimenti kapitali, xiri jew kiri ta' proprjetà, investiment f'bonds tal-gvern, investiment f'entitajiet korporattivi, donazzjoni jew dotazzjoni ta' attività li tikkontribwixxi għall-ben pubbliku u kontribuzzjonijiet għall-baġit tal-Istat, għandu jkollhom fis-seħħ mill-inqas il-miżuri li ġejjin biex itaffu r-riskji assoċjati tal-ħasil tal-flus, tar-reati predikati tiegħu jew tal-finanzjament tat-terroriżmu:

2.   L-Istati Membri għandhom jiżguraw il-monitoraġġ tal-implimentazzjoni tal-proċess ta' ġestjoni tar-riskju kif imsemmi fil-paragrafu 1, il-punt (a), inkluż billi jivvalutawh fuq bażi annwali

3.   L-Istati Membri għandhom jadottaw u jimplimentaw il-miżuri msemmija fil-paragrafu 1 ta’ dan l-Artikolu b'mod konsistenti mar-riskji identifikati skont il-valutazzjoni tar-riskju mwettqa skont l-Artikolu 8.

4.   L-Istati Membri għandhom jippubblikaw rapport annwali dwar ir-riskji tal-ħasil tal-flus, tar-reati predikati tiegħu jew tal-finanzjament tat-terroriżmu assoċjati mal-għoti tad-drittijiet ta' residenza bi skambju għal investiment. Dawk ir-rapporti għandhom isiru pubbliċi u għandhom jinkludu l-informazzjoni dwar:

5.   Sal-10 ta’ Lulju 2028, l-Istati Membri għandhom jinnotifikaw ill-Kummissjoni l-miżuri adottati skont il-paragrafu 1 ta’ dan l-Artikolu. Dik in-notifika għandha tinkludi spjegazzjoni ta’ dawk il-miżuri abbażi tal-l-valutazzjoni tar-riskju rilevanti mwettqa mill-Istati Membri skont l-Artikolu 8.

6.   Il-Kummissjoni għandha tippubblika f'Il-Ġurnal Uffiċjali tal-Unjoni Ewropea l-miżuri notifikati mill-Istati Membri skont il-paragrafu 5.

7.   Sal-10 ta’ Lulju 2030, il-Kummissjoni għandha tippubblika rapport li jivvaluta l-miżuri notifikati skont il-paragrafu 5 fil-mitigazzjoni tar-riskji tal-ħasil tal-flus, tar-reati predikati tiegħu u tal-finanzjament tat-terroriżmu u, fejn meħtieġ, toħroġ rakkomandazzjonijiet.