7. L-Istati Membri għandhom jiżguraw li l-informazzjoni dwar is-sjieda benefiċjarja miżmuma fir-reġistri ċentrali tkun adegwata, akkurata u aġġornata, u għandhom jistabbilixxu mekkaniżmi biex dan jinkiseb. Għal dak il-għan, l-Istati Membri għandhom japplikaw mill-inqas ir-rekwiżiti li ġejjin:
|
(a)
|
l-entitajiet responsabbli għar-reġistri ċentrali għandhom jivverifikaw, fi żmien raġonevoli mill-preżentazzjoni tal-informazzjoni dwar is-sjieda benefiċjarja u fuq bażi regolari wara dan, li din l-informazzjoni tkun adegwata, akkurata u aġġornata;
|
|
(b)
|
l-awtoritajiet kompetenti, jekk ikun xieraq u sa fejn tali rekwiżit ma jfixkilx bla bżonn il-funzjonijiet tagħhom, għandhom jirrapportaw lill-entitajiet responsabbli għar-reġistri ċentrali kwalunkwe diskrepanza li jsibu bejn l-informazzjoni disponibbli fir-reġistri ċentrali u l-informazzjoni disponibbli għalihom.
|
Il-punt sa fejn tasal il-verifika msemmija fil-punt (a) tal-ewwel subparagrafu ta’ dan il-paragrafu u l-frekwenza tagħha għandhom ikunu proporzjonati għar-riskji assoċjati mal-kategoriji ta' entitajiet ġuridiċi u arranġamenti ġuridiċi identifikati skont l-Artikolu 7(3), il-punt (d), u l-Artikolu 8(4), il-punt (c).
Sal-10 ta’ Lulju 2028, il-Kummissjoni għandha toħroġ rakkomandazzjonijiet dwar il-metodi u l-proċeduri li għandhom jintużaw mill-entitajiet responsabbli għar-reġistri ċentrali biex jivverifikaw l-informazzjoni dwar is-sjieda benefiċjarja u mill-entitajiet marbutin b'obbligu u l-awtoritajiet kompetenti biex jidentifikaw u jirrapportaw diskrepanzi rigward l-informazzjoni dwar is-sjieda benefiċjarja.