Artikolu 10 Reġistri ċentrali tas-sjieda benefiċjarja

1.   L-Istati Membri għandhom jiżguraw li l-informazzjoni dwar is-sjieda benefiċjarja kif imsemmija fl-Artikolu 62 tar-Regolament (UE) 2024/1624, id-dikjarazzjoni skont l-Artikolu 63(4) ta' dak ir-Regolament u l-informazzjoni dwar l-arranġamenti tal-mandatarji kif imsemmija fl-Artikolu 66 ta' dak ir-Regolament jinżammu f'reġistru ċentrali fl-Istat Membru fejn l-entità ġuridika tkun inħalqet jew fejn ikun stabbilit jew residenti l-fiduċjarju ta' trust espress jew persuna f'pożizzjoni ekwivalenti f'arranġament ġuridiku simili, jew minn fejn jiġi amministrat l-arranġament ġuridiku. Dan ir-rekwiżit m'għandux japplika għall-entitajiet ġuridiċi jew l-arranġamenti ġuridiċi kif imsemmija fl-Artikolu 65 tar-Regolament (UE) 2024/1624.

L-informazzjoni fir-reġistru ċentrali tas-sjieda benefiċjarja msemmi fl-ewwel subparagrafu (“ir-reġistru ċentrali”) għandha tkun disponibbli f'format li jinqara mill-magni u tinġabar f'konformità mal-atti ta' implimentazzjoni msemmija fil-paragrafu 6.

2.   B'deroga mill-ewwel subparagrafu tal-paragrafu 1, l-Istati Membri għandhom jiżguraw li l-informazzjoni dwar is-sjieda benefiċjarja msemmija fl-Artikolu 62 tar-Regolament (UE) 2024/1624 tal-entitajiet ġuridiċi barranin u arranġamenti ġuridiċi barranin, kif imsemmija fl-Artikolu 67 ta' dak ir-Regolament, tinżamm f'reġistru ċentrali fl-Istat Membru f'konformità mal-kundizzjonijiet stabbiliti fl-Artikolu 67 ta’ dak ir-Regolament. L-Istati Membri għandhom jiżguraw ukoll li r-reġistru ċentrali jkun fih indikazzjoni ta' liema sitwazzjoni elenkata fl-Artikolu 67(1) tar-Regolament (UE) 2024/1624 tiskatta r-reġistrazzjoni tal-entità ġuridika barranija jew tal-arranġament ġuridiku barrani.

3.   Meta t-trustees ta' trust espress jew persuni f'pożizzjonijiet ekwivalenti f'arranġament ġuridiku simili jkunu stabbiliti jew residenti fi Stati Membri differenti, ċertifikat ta' prova tar-reġistrazzjoni jew silta mill-informazzjoni dwar is-sjieda benefiċjarja miżmuma f'reġistru ċentrali minn Stat Membru wieħed, għandhom ikunu suffiċjenti biex l-obbligu ta' reġistrazzjoni jitqies bħala ssodisfat.

4.   L-Istati Membri għandhom jiżguraw li l-entitajiet responsabbli għar-reġistri ċentrali jkollhom is-setgħa li jitolbu mingħand entitajiet ġuridiċi, it-trustees ta' kwalunkwe trust espress u persuni f'pożizzjoni ekwivalenti f'arranġament ġuridiku simili, u s-sidien ġuridiċi u benefiċjarji tagħhom, kwalunkwe informazzjoni meħtieġa biex jiġu identifikati u vverifikati s-sidien benefiċjarji tagħhom, inkluż riżoluzzjonijiet tal-bord tad-diretturi u minuti tal-laqgħat tagħhom, ftehimiet ta' sħubija, atti fiduċjarji, prokuri jew ftehimiet u dokumentazzjoni kuntrattwali oħra.

5.   Meta ma jkunx hemm persuna identifikata bħala s-sid benefiċjarju skont l-Artikolu 63(3) u l-Artikolu 64(6) tar-Regolament (UE) 2024/1624, ir-reġistru ċentrali għandu jinkludi:

L-Istati Membri għandhom jiżguraw li l-informazzjoni msemmija fl-ewwel subparagrafu, il-punt (a), tkun disponibbli għall-awtoritajiet kompetenti, kif ukoll għall-AMLA għall-fini ta’ analiżi konġunta skont l-Artikolu 32 ta' din id-Direttiva u l-Artikolu 40 tar-Regolament (UE) 2024/1620, għal korpi ta' awtoregolamentazzjoni u għal entitajiet marbutin b'obbligu. Madankollu, l-entitajiet marbutin b'obbligu għandu jkollhom aċċess biss għad-dikjarazzjoni ppreżentata mill-entità ġuridika jew l-arranġament ġuridiku, jekk ma jirrapportawx diskrepanza skont l-Artikolu 24 tar-Regolament (UE) 2024/1624 jew jagħtu prova tal-passi li jkunu ħadu biex jiddeterminaw is-sidien benefiċjarju/i tal-entità ġuridika jew l-arranġament ġuridiku, f'liema każ għandhom ikunu jistgħu jaċċessaw il-ġustifikazzjoni wkoll.

6.   Sal-10 ta’ Lulju 2025, il-Kummissjoni għandha tistabbilixxi, permezz ta' atti ta' implimentazzjoni, il-format għall-preżentazzjoni tal-informazzjoni dwar is-sjieda benefiċjarja kif imsemmi fl-Artikolu 62 tar-Regolament (UE) 2024/1624 lir-reġistru ċentrali, inkluż lista ta' kontroll tar-rekwiżiti minimi biex l-informazzjoni tiġi eżaminata mill-entità responsabbli għar-reġistru ċentrali. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 72(2) ta' din id-Direttiva.

7.   L-Istati Membri għandhom jiżguraw li l-informazzjoni dwar is-sjieda benefiċjarja miżmuma fir-reġistri ċentrali tkun adegwata, akkurata u aġġornata, u għandhom jistabbilixxu mekkaniżmi biex dan jinkiseb. Għal dak il-għan, l-Istati Membri għandhom japplikaw mill-inqas ir-rekwiżiti li ġejjin:

Il-punt sa fejn tasal il-verifika msemmija fil-punt (a) tal-ewwel subparagrafu ta’ dan il-paragrafu u l-frekwenza tagħha għandhom ikunu proporzjonati għar-riskji assoċjati mal-kategoriji ta' entitajiet ġuridiċi u arranġamenti ġuridiċi identifikati skont l-Artikolu 7(3), il-punt (d), u l-Artikolu 8(4), il-punt (c).

Sal-10 ta’ Lulju 2028, il-Kummissjoni għandha toħroġ rakkomandazzjonijiet dwar il-metodi u l-proċeduri li għandhom jintużaw mill-entitajiet responsabbli għar-reġistri ċentrali biex jivverifikaw l-informazzjoni dwar is-sjieda benefiċjarja u mill-entitajiet marbutin b'obbligu u l-awtoritajiet kompetenti biex jidentifikaw u jirrapportaw diskrepanzi rigward l-informazzjoni dwar is-sjieda benefiċjarja.

8.   L-Istati Membri għandhom jiżguraw li l-informazzjoni li tinsab fir-reġistri ċentrali tinkludi kwalunkwe bidla fis-sjieda benefiċjarja tal-entitajiet ġuridiċi u l-arranġamenti ġuridiċi u fl-arranġamenti ta' persuna nominata wara l-ewwel reġistrazzjoni tagħhom fir-reġistru ċentrali.

9.   L-Istati Membri għandhom jiżguraw li l-entitajiet responsabbli għar-reġistri ċentrali jivverifikaw jekk l-informazzjoni dwar is-sjieda benefiċjarja miżmuma f'dawk ir-reġistri tikkonċernax persuni jew entitajiet deżinjati marbuta ma' sanzjonijiet finanzjarji mmirati. Din il-verifika għandha ssir immedjatament mad-deżinjazzjoni b'rabta ma' sanzjonijiet finanzjarji mmirati u f'intervalli regolari.

L-Istati Membri għandhom jiżguraw li l-informazzjoni fir-reġistri ċentrali tinkludi indikazzjoni li l-entità ġuridika tkun assoċjata ma' persuni jew entitajiet soġġetti għal sanzjonijiet finanzjarji mmirati fi kwalunkwe waħda mis-sitwazzjonijiet li ġejjin:

L-indikazzjoni msemmija fit-tieni subparagrafu ta’ dan il-paragrafu għandha tkun viżibbli għal kwalunkwe persuna jew entità li tingħata aċċess għall-informazzjoni fir-reġistri ċentrali skont l-Artikoli 11 u 12, u għandha tibqa' fis-seħħ sakemm jitneħħew is-sanzjonijiet finanzjarji mmirati.

10.   L-Istati Membri għandhom jiżguraw li, fi żmien 30 jum tax-xogħol mir-rapportar ta’ diskrepanza minn awtorità kompetenti jew awtorità marbuta b’obbligu, l-entitajiet responsabbli għar-reġistri ċentrali jieħdu azzjonijiet xierqa biex isolvu d-diskrepanza rrapurtata skont l-Artikolu 24 tar-Regolament (UE) 2024/1624, inkluż billi jemendaw l-informazzjoni li tkun tinsab fir-reġistri ċentrali meta l-entità tkun tista' tivverifika l-informazzjoni dwar is-sjieda benefiċjarja. Fir-reġistri ċentrali għandu jkun hemm referenza speċifika għall-fatt li hemm diskrepanzi rrapportati sakemm id-diskrepanza tiġi solvuta u din ir-referenza għandha tkun viżibbli għal kwalunkwe persuna jew entità li tingħata aċċess skont l-Artikoli 11 u 12 ta' din id-Direttiva.

Meta d-diskrepanza tkun ta' natura kumplessa u l-entitajiet responsabbli għar-reġistri ċentrali ma jkunux jistgħu jsolvuha fi żmien 30 jum tax-xogħol, dawn għandhom jirreġistraw l-istanza kif ukoll il-passi meħuda, u jieħdu kwalunkwe miżura meħtieġa biex isolvu d-diskrepanza malajr kemm jista' jkun.

11.   L-Istati Membri għandhom jiżguraw li l-entità responsabbli għar-reġistru ċentrali jkollha s-setgħa li twettaq, direttament jew billi tirrikorri għal awtorità oħra, inkluż awtoritajiet ġudizzjarji, kontrolli, inkluż spezzjonijiet fuq il-post fil-bini tan-negozju jew fl-uffiċċju rreġistrat ta' entitajiet ġuridiċi, sabiex tiġi stabbilita s-sjieda benefiċjarja attwali tal-entità u biex jiġi vverifikat li l-informazzjoni ppreżentata lir-reġistru ċentrali tkun akkurata, adegwata u aġġornata. Id-dritt tal-entità responsabbli għar-reġistru ċentrali li tivverifika l-informazzjoni dwar is-sjieda benefiċjarja m'għandux ikun limitat, ostakolat jew prekluż.

Meta l-fiduċjarju jew il-persuna li jkollha pożizzjoni ekwivalenti tkun entità marbuta b'obbligu kif imsemmija fl-Artikolu 3, il-punt (3)(a), (b) jew (c), tar-Regolament (UE) 2024/1624, l-Istati Membri għandhom jiżguraw li l-entità responsabbli għar-reġistru ċentrali jkollha wkoll is-setgħa li twettaq kontrolli, inkluż spezzjonijiet fuq il-post fil-bini tan-negozju jew fl-uffiċċju rreġistrat tal-fiduċjarju jew tal-persuna f'pożizzjoni ekwivalenti. Dawk il-kontrolli għandhom jaderixxu tal-anqas mas-salvagwardji li ġejjin:

L-Istati Membri għandhom jiżguraw li l-entitajiet responsabbli għar-reġistri ċentrali jkollhom is-setgħa li jitolbu informazzjoni minn reġistri oħra, inkluż f'pajjiżi terzi, sal-punt li tali informazzjoni tkun meħtieġa biex iwettqu l-funzjonijiet ta’ tali entitajiet.

12.   L-Istati Membri għandhom jiżguraw li l-entitajiet responsabbli għar-reġistri ċentrali jkollhom għad-dispożizzjoni tagħhom il-mekkaniżmi awtomatizzati meħtieġa biex iwettqu verifiki kif imsemmi fil-paragrafu 7, il-punt (a), u l-paragrafu 8, inkluż bi tqabbil tal-informazzjoni li tkun tinsab f’dawk ir-reġistri mal-informazzjoni miżmuma minn sorsi oħra.

13.   L-Istati Membri għandhom jiżguraw li meta titwettaq verifika kif imsemmi fil-paragrafu 7, il-punt (a), fi żmien il-preżentazzjoni tal-informazzjoni dwar is-sjieda benefiċjarja, u tali verifika twassal biex entità responsabbli għal reġistru ċentrali tikkonkludi li hemm inkonsistenzi jew żbalji fl-informazzjoni dwar is-sjieda benefiċjarja, l-entità responsabbli għal reġistru ċentrali tkun tista' żżomm jew tirrifjuta li toħroġ ċertifikat validu ta' prova tar-reġistrazzjoni.

14.   L-Istati Membri għandhom jiżguraw li meta titwettaq verifika kif imsemmi fil-paragrafu 7, il-punt (a), wara l-preżentazzjoni tal-informazzjoni dwar is-sjieda benefiċjarja, u tali verifika twassal biex entità responsabbli għal reġistru ċentrali tikkonkludi li l-informazzjoni ma tkunx għadha adegwata, akkurata u aġġornata, l-entità responsabbli għar-reġistru ċentrali tkun tista' tissospendi l-validità taċ-ċertifikat ta' prova tar-reġistrazzjoni sakemm tqis li l-informazzjoni pprovduta dwar is-sjieda benefiċjarja tkun kif suppost, ħlief meta l-inkonsistenzi jkunu limitati għal żbalji tipografiċi, modi differenti ta' trażlitterazzjoni, jew ineżattezzi minuri li ma jaffettwawx l-identifikazzjoni tas-sidien benefiċjarji jew tal-interess benefiċjarju tagħhom.

15.   L-Istati Membri għandhom jiżguraw li l-entità responsabbli għar-reġistru ċentrali tingħata s-setgħa li tapplika, kemm direttament jew billi tirrikorri għal awtorità oħra, inkluż awtoritajiet ġudizzjarji, miżuri effettivi, proporzjonati u dissważivi jew timponi tali sanzjonijiet pekunjarji meta entità tonqos, anke ripetutament, milli tipprovdi informazzjoni akkurata, adegwata u aġġornata dwar is-sjieda benefiċjarja tagħha lir-reġistru ċentrali.

16.   Il-Kummissjoni għandha s-setgħa tadotta atti delegati f'konformità mal-Artikolu 71 biex tissupplimenta din id-Direttiva billi tiddefinixxi indikaturi għall-klassifikazzjoni tal-livell ta' gravità tan-nuqqasijiet ta' rappurtar ta' informazzjoni adegwata, akkurata u aġġornata lir-reġistri ċentrali, inkluż f'każijiet ta' nuqqas ripetut.

17.   L-Istati Membri għandhom jiżguraw li jekk waqt il-kontrolli mwettqa skont dan l-Artikolu, jew b'xi mod ieħor, l-entitajiet responsabbli għar-reġistri ċentrali jiskopru fatti li jistgħu jkunu relatati mal-ħasil tal-flus jew mal-finanzjament tat-terroriżmu, dawn għandhom jgħarrfu minnufih lill-FIU ta’ dawn.

18.   L-Istati Membri għandhom jiżguraw li, meta jwettqu l-kompiti tagħhom, l-entitajiet responsabbli mir-reġistri ċentrali jwettqu l-funzjonijiet tagħhom mingħajr influwenza mhux dovuta u li dawk l-entitajiet jimplimentaw standards għall-impjegati tagħhom fir-rigward tal-kunflitti ta' interess u kunfidenzjalità stretta.

19.   Ir-reġistri ċentrali għandhom ikunu interkonnessi permezz tal-Pjattaforma Ċentrali Ewropea stabbilita bl-Artikolu 22(1) tad-Direttiva (UE) 2017/1132.

20.   L-informazzjoni msemmija fil-paragrafu 1 għandha tkun disponibbli permezz tar-reġistri ċentrali u permezz tas-sistema tal-interkonnessjoni tar-reġistri ċentrali għal ħames snin wara li l-entità ġuridika tkun ġiet xolta jew l-arranġament ġuridiku jkun waqaf jeżisti..

Mingħajr preġudizzju għal-liġi kriminali nazzjonali dwar l-evidenza applikabbli għal investigazzjonijiet kriminali u proċedimenti legali li jkunu għaddejjin, l-Istati Membri jistgħu, f’każijiet speċifiċi, jippermettu li ’tali informazzjoni tinżamm, jew jeħtieġu li tali informazzjoni tinżamm, għal perjodu massimu addizzjonali ta' ħames snin fejn l-Istati Membri jkunu stabbilixxew li tali żamma tkun neċessarja u proporzjonata għall-għan tal-prevenzjoni, id-detezzjoni, l-investigazzjoni jew il-prosekuzzjoni ta' ħasil tal-flus jew finanzjament tat-terroriżmu suspettati.

Malli jiskadi l-perjodu ta' żamma msemmi fl-ewwel subparagrafu, l-Istati Membri għandhom jiżguraw lid-data personali titħassar mir-reġistri ċentrali.

21.   Sa tal-10 ta’ Lulju 2031 [seba' snin mid-data tad-dħul fis-seħħ ta' din id-Direttiva], il-Kummissjoni għandha tippubblika rapport li jinkludi dan li ġej: