Artikolu 38 Superviżjoni ta' forom ta' infrastruttura ta' ċerti intermedjarji li joperaw bil-libertà li jipprovdu servizzi

1.   Meta l-attivitajiet tal-entitajiet marbutin b'obbligu li ġejjin jitwettqu fit-territorju tagħhom bil-libertà li jipprovdu servizzi permezz ta' aġenti jew distributuri, jew permezz ta' tipi oħra ta' infrastruttura, inkluż meta dawk l-attivitajiet jitwettqu taħt awtorizzazzjoni miksuba skont id-Direttiva 2013/36/UE, l-Istati Membri għandhom jaċċertaw li tali attivitajiet jkunu soġġetti għal superviżjoni mis-superviżuri nazzjonali tagħhom:

Għall-finijiet tal-ewwel subparagrafu, is-superviżuri tal-Istat Membru fejn jitwettqu l-attivitajiet għandhom jimmonitorjaw b'mod effettiv u jiżguraw il-konformità mar- Regolamenti (UE) 2024/1624 u (UE) 2023/1113.

2.   B'deroga mill-paragrafu 1, is-superviżjoni tal-aġenti, id-distributuri jew tipi oħra ta' infrastruttura, imsemmija f’dak il-paragrafu għandha titwettaq mis-superviżur tal-Istat Membru fejn ikun jinsab l-uffiċċju prinċipali tal-entità marbuta b'obbligu meta:

3.   Għall-finijiet ta' dan l-Artikolu, is-superviżur tal-Istat Membru fejn ikun jinsab l-uffiċċju prinċipali tal-entità marbuta b'obbligu u s-superviżur tal-Istat Membru fejn topera l-entità marbuta b'obbligu bil-libertà li tipprovdi servizzi permezz ta' aġenti jew distributuri, jew permezz ta’ tipi oħra ta' infrastruttura għandhom jipprovdu lil xulxin kwalunkwe informazzjoni meħtieġa biex jiġi vvalutat jekk il-kriterji msemmijin fil-paragrafu 2, il-punt (a), humiex issodisfati, inkluż dwar kwalunkwe bidla fiċ-ċirkostanzi tal-entità marbuta b'obbligu li jista' jkollha impatt fuq l-issodisfar ta' dawk il-kriterji.

4.   L-Istati Membri għandhom jiżguraw li s-superviżur tal-Istat Membru fejn jinsab l-uffiċċju prinċipali tal-entità marbuta b'obbligu jinforma lill-entità marbuta b'obbligu fi żmien ġimagħtejn minn meta jirċievi n-notifika skont il-paragrafu 2, il-punt (b), li ser jissorvelja l-attivitajiet tal-aġenti, id-distributuri jew tipi oħra ta' infrastruttura li permezz tagħhom l-entitajiet marbutin b'obbligu joperaw bil-libertà li jipprovdu servizzi fi Stat Membru ieħor, u dwar kwalunkwe bidla sussegwenti fis-superviżjoni tagħhom.

5.   Dan l-Artikolu ma għandux japplika meta l-AMLA taġixxi bħala superviżur.