Artikolu 24 Rekwiżiti għall-valwazzjoni

1.   L-Istati Membri għandhom jiżguraw li l-valwazzjonijiet imsemmijin fl-Artikolu 23 jitwettqu minn kwalunkwe waħda minn dawn li ġejjin:

2.   Il-valwazzjonijiet imsemmijin fl-Artikolu 23 għandhom jitqiesu bħala definittivi meta jitwettqu mill-persuna msemmija fil-paragrafu 1, il-punt (a), ta' dan l-Artikolu u meta jiġu ssodisfati r-rekwiżiti kollha stipulati fil-paragrafi 3 sa 5 ta' dan l-Artikolu.

3.   Mingħajr preġudizzju għall-qafas tal-Unjoni dwar l-għajnuna mill-Istat, valwazzjoni definittiva għandha tkun ibbażata fuq suppożizzjonijiet prudenti u ma għandha tassumi l-ebda provvediment potenzjali ta' għajnuna finanzjarja pubblika straordinarja mill-mument li fih tittieħed azzjoni ta' riżoluzzjoni.

4.   Valwazzjoni definittiva għandha tiġi ssupplimentata bl-informazzjoni li ġejja miżmuma mill-entità msemmija fl-Artikolu 1(1), il-punti (a) sa (e):

5.   Valwazzjoni definittiva għandha tindika s-sottodiviżjoni tal-kredituri fi klassijiet f'konformità mal-livelli ta' prijorità skont il-liġi applikabbli dwar l-insolvenza. Il-valwazzjoni definittiva għandu jkun fiha wkoll stima tat-trattament li kull klassi ta' azzjonisti u ta' kredituri kienet tkun mistennija li tirċievi jekk l-entità kkonċernata kienet tiġi stralċata skont proċedimenti normali ta' insolvenza.

L-istima msemmija fl-ewwel subparagrafu ma għandhiex tippreġudika l-valwazzjoni msemmija fl-Artikolu 56.

6.   L-EIOPA għandha tiżviluppa abbozzi ta' standards tekniċi regolatorji li jispeċifikaw:

L-EIOPA għandha tippreżenta dawk l-abbozzi ta' standards tekniċi regolatorji lill-Kummissjoni sad-29 ta’ Lulju 2027.

Il-Kummissjoni qed tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1094/2010.