Artikolu 34 Trasferiment lil skemi ta' garanzija tal-assigurazzjoni

1.   B'deroga mill-Artikoli 32 u 33, l-Istati Membri jistgħu jipprevedu li skema xierqa ta' garanzija tal-assigurazzjoni tiġi assenjata bid-dmirijiet u d-drittijiet ta' impriża tranżitorja. Filwaqt li jiżguraw l-interessi tad-detenturi ta' poloz, il-kontinwità tar-relazzjonijiet tal-assigurazzjoni, u s-saldu tal-klejms, u taċċerta li l-objettivi ta' din id-Direttiva jkunu għadhom jintlaħqu b'mod adegwat, l-Istati Membri jistgħu jipprevedu trasferiment, lil tali skema ta’ garanzija tal-assigurazzjoni, ta':

L-awtoritajiet ta' riżoluzzjoni għandhom jiżguraw li l-valur totali tal-obbligazzjonijiet ittrasferiti lill-iskemi ta' garanzija tal-assigurazzjoni ma jaqbiżx il-valur totali tad-drittijiet u tal-assi ttrasferiti mill-impriża taħt riżoluzzjoni.

2.   L-Istati Membri għandhom jiżguraw li skema ta' garanzija tal-assigurazzjoni assenjata bid-dmirijiet u d-drittijiet ta' impriża tranżitorja tirrispetta r-rekwiżiti li ġejjin:

Il-punt (b) tal-ewwel subparagrafu ma għandux japplika għal skema ta' garanzija tal-assigurazzjoni assenjata bid-dmirijiet u d-drittijiet ta' impriża tranżitorja jekk kwalunkwe assi, dritt, obbligazzjoni jew dritt ta' sjieda ttrasferit ikun segregat mill-assi, id-drittijiet u l-obbligazzjonijiet l-oħra tal-iskema ta' garanzija tal-assigurazzjoni u r-rimunerazzjoni ma titħallasx mill-assi ttrasferiti.

3.   L-Istati Membri għandhom jiżguraw li l-finanzjament ta' skema ta' garanzija tal-assigurazzjoni assenjata bid-dmirijiet u d-drittijiet ta' impriża tranżitorja jkun adegwat biex ikompli r-relazzjonijiet tal-assigurazzjoni u jiggarantixxi s-saldu tal-klejms tal-assigurazzjoni.