1. Awtorità ta' riżoluzzjoni fil-livell tal-grupp li tiddeċiedi li impriża omm apikali li għaliha hija responsabbli tissodisfa l-kundizzjonijiet imsemmijin fl-Artikolu 19(1) jew fl-Artikolu 20(3) għandha tinnotifika l-informazzjoni msemmija fl-Artikolu 73(2) lis-superviżur tal-grupp u lill-membri l-oħrajn tal-kulleġġ ta' riżoluzzjoni tal-grupp inkwistjoni mingħajr dewmien.
L-azzjonijiet ta' riżoluzzjoni jew il-miżuri ta' insolvenza msemmijin fl-Artikolu 73(2), il-punt (c), jistgħu jinkludu l-implimentazzjoni ta' skema ta' riżoluzzjoni ta' grupp imfassla f'konformità mal-Artikolu 73(7) fi kwalunkwe waħda miċ-ċirkostanzi li ġejjin:
|
(a)
|
l-azzjonijiet ta' riżoluzzjoni jew miżuri fil-livell tal-kumpanija omm innotifikati f'konformità mal-Artikolu 73(2), il-punt (c), jagħmluha probabbli li l-kundizzjonijiet stabbiliti fl-Artikolu 19(1) jew fl-Artikolu 20(3) jiġu ssodisfati b’rabta mal-entità fi grupp fi Stat Membru ieħor;
|
|
(b)
|
l-azzjonijiet ta’ riżoluzzjoni jew miżuri oħrajn fil-livell tal-kumpanija omm biss ma jkunux biżżejjed sabiex tiġi stabbilizzata s-sitwazzjoni jew ma jkunx probabbli li jipprovdu l-aħjar eżitu possibbli;
|
|
(c)
|
l-awtoritajiet ta’ riżoluzzjoni jkunu ddeterminaw li waħda jew aktar mill-impriżi sussidjarji li għalihom ikunu responsabbli jissodisfaw il-kundizzjonijiet imsemmijin fl-Artikolu 19(1) jew fl-Artikolu 20(3);
|
|
(d)
|
l-azzjonijiet ta' riżoluzzjoni jew miżuri oħrajn fil-livell tal-grupp ser ikunu ta' benefiċċju għall-impriżi sussidjarji tal-grupp b'mod li skema ta' riżoluzzjoni ta' grupp titqies xierqa.
|