Artikolu 74 Riżoluzzjoni ta' grupp li tinvolvi impriża omm apikali

1.   Awtorità ta' riżoluzzjoni fil-livell tal-grupp li tiddeċiedi li impriża omm apikali li għaliha hija responsabbli tissodisfa l-kundizzjonijiet imsemmijin fl-Artikolu 19(1) jew fl-Artikolu 20(3) għandha tinnotifika l-informazzjoni msemmija fl-Artikolu 73(2) lis-superviżur tal-grupp u lill-membri l-oħrajn tal-kulleġġ ta' riżoluzzjoni tal-grupp inkwistjoni mingħajr dewmien.

L-azzjonijiet ta' riżoluzzjoni jew il-miżuri ta' insolvenza msemmijin fl-Artikolu 73(2), il-punt (c), jistgħu jinkludu l-implimentazzjoni ta' skema ta' riżoluzzjoni ta' grupp imfassla f'konformità mal-Artikolu 73(7) fi kwalunkwe waħda miċ-ċirkostanzi li ġejjin:

2.   Meta l-azzjonijiet jew il-miżuri proposti mill-awtorità ta' riżoluzzjoni fil-livell tal-grupp ma jinkludux skema ta' riżoluzzjoni ta' grupp, l-awtorità ta' riżoluzzjoni fil-livell tal-grupp għandha tieħu d-deċiżjoni tagħha wara li tikkonsulta lill-membri tal-kulleġġ ta' riżoluzzjoni.

3.   Meta l-azzjonijiet jew il-miżuri proposti mill-awtorità ta' riżoluzzjoni fil-livell tal-grupp ikun fihom skema ta' riżoluzzjoni ta' grupp, l-iskema ta' riżoluzzjoni ta' grupp għandha tieħu l-forma ta' deċiżjoni konġunta tal-awtorità ta' riżoluzzjoni fil-livell tal-grupp u tal-awtoritajiet ta' riżoluzzjoni responsabbli għall-impriżi sussidjarji li huma koperti mill-iskema ta' riżoluzzjoni ta' grupp.

L-EIOPA tista', fuq talba tal-awtorità ta' riżoluzzjoni, tgħin lill-awtoritajiet ta' riżoluzzjoni jilħqu deċiżjoni konġunta f'konformità mal-Artikolu 31(2), il-punt (c), tar-Regolament (UE) Nru 1094/2010.

4.   Awtorità ta' riżoluzzjoni li ma taqbilx mal-iskema ta' riżoluzzjoni ta' grupp proposta mill-awtorità ta' riżoluzzjoni fil-livell tal-grupp, titbiegħed minn din jew li tqis li, għal raġunijiet ta' stabbiltà finanzjarja, jeħtieġ li tieħu azzjonijiet ta' riżoluzzjoni jew miżuri indipendenti minbarra dawk proposti fl-iskema ta' riżoluzzjoni ta' grupp fir-rigward ta' entità kif imsemmija fl-Artikolu 1(1), il-punti (a) sa (e) għandha:

Meta tistabbilixxi r-raġunijiet għan-nuqqas ta' qbil tagħha, l-awtorità ta' riżoluzzjoni kkonċernata għandha tqis b'mod dovut il-pjanijiet ta' riżoluzzjoni ta' grupp, l-impatt potenzjali tal-azzjonijiet jew tal-miżuri ta' riżoluzzjoni indipendenti li ser tieħu fuq l-istabbiltà finanzjarja, fuq ir-riżorsi fiskali, fuq l-iskemi ta' garanzija tal-assigurazzjoni u fuq kwalunkwe arranġament ta' finanzjament fl-Istati Membri kkonċernati, u l-effett potenzjali tal-azzjonijiet ta' riżoluzzjoni jew miżuri oħra fuq partijiet oħrajn tal-grupp.

5.   L-awtoritajiet ta' riżoluzzjoni li jaqblu mal-iskema ta' riżoluzzjoni ta' grupp proposta mill-awtorità ta' riżoluzzjoni fil-livell tal-grupp jistgħu jilħqu deċiżjoni konġunta dwar skema ta' riżoluzzjoni ta' grupp li tkopri l-entitajiet fi grupp fl-Istati Membri rispettivi tagħhom mingħajr il-parteċipazzjoni tal-awtoritajiet ta' riżoluzzjoni li ma jaqblux.

6.   Id-deċiżjoni konġunta msemmija fil-paragrafu 3 jew 5 u l-azzjonijiet u l-miżuri ta' riżoluzzjoni msemmijin fil-paragrafu 4 għandhom jiġu rikonoxxuti bħala konklużivi u applikati mill-awtoritajiet ta' riżoluzzjoni fl-Istati Membri kkonċernati.

7.   L-awtoritajiet għandhom iwettqu l-azzjonijiet u l-miżuri ta' riżoluzzjoni kollha msemmijin fil-paragrafi 1 sa 6 mingħajr dewmien, u b'kunsiderazzjoni xierqa għall-urġenza tas-sitwazzjoni.

8.   Meta ma tiġix implimentata skema ta' riżoluzzjoni ta' grupp, l-awtoritajiet ta' riżoluzzjoni, meta jieħdu azzjoni ta' riżoluzzjoni relatata ma' entità fi grupp, għandhom jikkooperaw mill-qrib fil-kulleġġ ta' riżoluzzjoni bil-ħsieb li jilħqu strateġija ta' riżoluzzjoni koordinata għall-entitajiet affettwati kollha fi grupp.

9.   L-awtoritajiet ta' riżoluzzjoni li jieħdu azzjoni ta' riżoluzzjoni fir-rigward ta' kwalunkwe entità fi grupp għandhom jinformaw lill-membri tal-kulleġġ ta' riżoluzzjoni b'mod regolari u bis-sħiħ dwar dawk l-azzjonijiet jew il-miżuri u l-progress kontinwu tagħhom.