Artikolu 11 Newtralità enerġetika

L-Istati Membri għandhom jiżguraw li kull erba' snin isiru awditi tal-enerġija, kif definit fl-Artikolu 2, il-punt (32), tad-Direttiva (UE) 2023/1791, tal-impjanti tat-trattament tal-ilma mormi urban u tas-sistemi tal-ġbir li jkunu qed jitħaddmu. Dawk l-awditi għandhom jinkludu identifikazzjoni tal-potenzjal għal miżuri kosteffettivi biex jitnaqqas l-użu tal-enerġija u jittejbu l-użu u l-produzzjoni ta' enerġija rinnovabbli, b'enfasi partikolari fuq l-identifikazzjoni u l-użu tal-potenzjal għall-produzzjoni tal-bijogass jew l-irkupru u l-użu ta' sħana mormija fuq il-post jew permezz ta' sistema tal-enerġija distrettwali, filwaqt li jitnaqqsu l-emissjonijiet tal-gassijiet b’effett ta’ serra. L-ewwel awditi tal-enerġija għandhom jitwettqu:

L-Istati Membri għandhom jiżguraw li, fil-livell nazzjonali, l-enerġija annwali totali minn sorsi rinnovabbli, kif definit fl-Artikolu 2(1) tad-Direttiva (UE) 2018/2001, iġġenerata fuq il-post jew mhux fuq il-post mis-sidien jew l-operaturi ta' impjanti tat-trattament tal-ilma mormi urban, jew f'isimhom, li jittrattaw tagħbija ta' 10 000 e.p. u aktar, u irrispettivament minn jekk dik l-enerġija tiġix użata fuq il-post jew mhux fuq il-post mis-sidien jew l-operaturi ta’ dawk l-impjanti, tkun ekwivalenti għal mill-inqas:

B'deroga mill-paragrafu 2, jekk Stat Membru ma jilħaqx l-objettiv imsemmi fil-paragrafu 2, il-punt (d), minkejja li jkun implimenta l-miżuri kollha tal-effiċjenza enerġetika u l-miżuri kollha meħtieġa biex tittejjeb il-produzzjoni tal-enerġija rinnovabbli, b’mod partikolari dawk identifikati fl-awditi tal-enerġija msemmija fil-paragrafu 1, l-Istati Membri jistgħu eċċezzjonalment jippermettu x-xiri ta' enerġija minn sorsi ta' fjuwils mhux fossili. Dak ix-xiri għandu jkun limitat għal massimu ta' 35 % ta' enerġija minn fjuwils mhux fossili b'rabta mal-objettiv imsemmi fil-paragrafu 2, il-punt (d).

B'deroga mill-paragrafu 2, jekk Stat Membru ma jilħaqx l-objettiv imsemmi fil-paragrafu 2, il-punt (c), minkejja li jkun implimenta l-miżuri kollha tal-effiċjenza enerġetika u l-miżuri kollha biex tittejjeb il-produzzjoni tal-enerġija rinnovabbli, b’mod partikolari dawk identifikati fl-awditi tal-enerġija msemmija fil-paragrafu 1, l-Istati Membri jistgħu eċċezzjonalment jippermettu x-xiri ta' enerġija minn sorsi ta' fjuwils mhux fossili. Dak ix-xiri għandu jkun limitat għal massimu ta' 5 punti perċentwali tal-objettiv imsemmi fil-paragrafu 2, il-punt (c). Dik id-deroga għandha tingħata biss lill-Istati Membri li sal-31 ta' Diċembru 2040 jistgħu juru li 35 % tal-enerġija esterna mill-fjuwils mhux fossili kif imsemmi fil-paragrafu 3 ser ikollha tinxtara biex jintlaħaq l-objettiv imsemmi fil-paragrafu 2, il-punt(d), filwaqt li jitqiesu l-miżuri kollha tal-effiċjenza enerġetika u l-miżuri kollha meħtieġa biex tittejjeb il-produzzjoni tal-enerġija rinnovabbli, b’mod partikolari dawk identifikati b'mod partikolari fl-awditi tal-enerġija msemmija fil-paragrafu 1.

Il-Kummissjoni tista' tadotta att ta' implimentazzjoni għall-istabbiliment tal-metodi biex tivvaluta jekk intlaħqux l-objettivi fil-paragrafu 2. Dak l-att ta' implimentazzjoni għandu jiġi adottat f'konformità mal-proċedura ta' eżami msemmija fl-Artikolu 28(2).