Airteagal 11 Neodracht fuinnimh

Áiritheoidh na Ballstáit go ndéanfar iniúchtaí fuinnimh, mar a shainmhínítear in Airteagal 2, pointe (32), de Threoir (AE) 2023/1791 iad, gach 4 bliana ar ghléasraí cóireála fuíolluisce uirbigh agus córais bhailiúcháin atá i mbun oibríochta. Áireofar sna hiniúchtaí sin go saineofaí an poitéinseal chun úsáid a bhaint as bearta costéifeachtacha chun úsáid fuinnimh a laghdú agus chun feabhas a chur ar úsáid agus táirgeadh fuinnimh in-athnuaite, agus béim ar leith ar an bpoitéinseal do tháirgeadh bithgháis a shainaithint agus a úsáid nó dramhtheas a aisghabháil agus a úsáid ar an láthair nó trí chóras fuinnimh ceantair, agus astaíochtaí GCT á laghdú ag an am céanna. Déanfar na chéad iniúchtaí fuinnimh:

Áiritheoidh na Ballstáit, ar an leibhéal náisiúnta, go mbeidh an méid fuinnimh iomlán bliantúil a fhaightear ó fhoinsí in-athnuaite, mar a shainítear é in Airteagal 2(1) de Threoir (AE) 2018/2001, a bhíonn á ghiniúint ar an láthair nó lasmuigh den láthair ag úinéirí nó oibreoirí gléasraí cóireála fuíolluisce uirbigh ina gcóireáiltear ualach 10 000  p.e. agus níos mó, nó ag daoine eile thar a gceann, agus gan beann ar cé acu atá nó nach bhfuil an fuinneamh sin á úsáid ar an láthair nó lasmuigh den láthair ag úinéirí nó oibreoirí na ngléasraí sin, áiritheoidh na Ballstáit go mbeidh an méid fuinnimh sin coibhéiseach leo seo a leanas ar a laghad:

De mhaolú ar mhír 2, mura mbainfidh Ballstát amach an cuspóir dá dtagraítear i mír 2, pointe (d), d’ainneoin gach beart éifeachtúlachta fuinnimh agus gach beart is gá chun táirgeadh fuinnimh in-athnuaite a fheabhsú, go háirithe na bearta a shainaithnítear sna hiniúchtaí fuinnimh dá dtagraítear i mír 1, a bheith déanta, féadfaidh na Ballstáit ceannach fuinnimh ó fhoinsí breosla nach breosla iontaise é a cheadú go heisceachtúil. Beidh an ceannach sin teoranta d’uasmhéid 35 % den fhuinneamh breosla nach breosla iontaise é i ndáil leis an gcuspóir dá dtagraítear i mír 2, pointe (d).

De mhaolú ar mhír 2, mura mbainfidh Ballstát amach an cuspóir dá dtagraítear i mír 2, pointe (c), d’ainneoin gach beart éifeachtúlachta fuinnimh agus gach beart chun táirgeadh fuinnimh in-athnuaite a fheabhsú, go háirithe na bearta sin a shainaithnítear sna hiniúchtaí fuinnimh dá dtagraítear i mír 1, a bheith déanta, féadfaidh na Ballstáit ceannach fuinnimh ó fhoinsí breosla nach breosla iontaise é a cheadú go heisceachtúil. Beidh an ceannach sin teoranta do 5 phointe céatadáin ar a mhéad den chuspóir dá dtagraítear i mír 2, pointe (c). Ní dheonófar an maolú sin ach do na Ballstáit sin ar féidir leo a léiriú faoin 31 Nollaig 2040 go mbeidh gá 35 % den fhuinneamh breosla sheachtraigh nach breosla iontaise é dá dtagraítear i mír 3 a cheannach chun an cuspóir dá dtagraítear i mír 2, pointe (d), a bhaint amach, agus gach beart éifeachtúlachta fuinnimh agus gach beart is gá chun táirgeadh fuinnimh in-athnuaite a fheabhsú, go háirithe na bearta sin a shainaithnítear sna hiniúchtaí fuinnimh dá dtagraítear i mír 1 á gcur san áireamh.

Féadfaidh an Coimisiún gníomh cur chun feidhme a ghlacadh chun modhanna a bhunú chun a mheas ar baineadh amach na cuspóirí i mír 2. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 28(2).