Artikolu 10

jipprovdi interfaċċa teknika għall-pjattaformi online ta’ kiri għal żmien qasir li tippermetti t-trażmissjoni bejn magna u oħra u manwali tad-data dwar l-attivitajiet, tan-numru tar-reġistrazzjoni rilevanti u tal-URLs tal-elenkar, li, sabiex tiġi żgurata l-interoperabbiltà, trid tiġi implimentata bl-użu ta’ interfaċċa għall-programmi tal-applikazzjonijiet li tkun ibbażata fuq rekwiżiti tekniċi definiti mill-Kummissjoni;

jiffaċilita l-kontrolli aleatorji mill-pjattaformi online ta’ kiri għal żmien qasir skont l-Artikolu 7(1), il-punt (c);

jipprovdi interfaċċa teknika biex l-awtoritajiet kompetenti msemmija fl-Artikolu 12 jirċievu d-data dwar l-attivitajiet, in-numru tar-reġistrazzjoni rilevanti, l-indirizz speċifiku tal-unità u l-URLs tal-elenkar, trażmessi mill-pjattaformi online ta’ kiri għal żmien qasir, għall-finijiet elenkati fl-Artikolu 12(2) biss, rigward l-unitajiet fit-territorju tagħhom;

jiffaċilita l-kondiviżjoni tal-informazzjoni msemmija fl-Artikolu 13.

interoperabbiltà mar-reġistri msemmija fl-Artikolu 4(5);

bażi ta’ data online jew interfaċċa online aċċessibbli liberament u li tinqara minn magna għall-kontrolli msemmija fl-Artikolu 7(1), il-punt (c), u għall-valutazzjoni msemmija fl-Artikolu 8;

il-possibbiltà li l-informazzjoni jew id-dokumentazzjoni li trid tiġi pprovduta mill-ospitanti terġa’ tintuża skont l-Artikolu 5, jekk l-istess informazzjoni jew dokumentazzjoni tintalab minn diversi reġistri msemmija fl-Artikolu 4(5) fl-istess Stat Membru;

il-kunfidenzjalità, l-integrità u s-sigurtà tal-ipproċessar tad-data dwar l-attivitajiet, in-numri tar-reġistrazzjoni, l-indirizzi speċifiċi tal-unità, u l-URLs tal-elenkar trażmessi mill-pjattaformi online ta’ kiri għal żmien qasir f’konformità mal-Artikolu 9.