Artikolu 38 6

(a)

l-istabbiliment tal-Pjan Operattiv għan-Network u t-tħejjija tal-Pjan Strateġiku għan-Network;

(b)

l-appoġġ għad-disinn u l-koordinazzjoni tal-utilizzazzjoni tal-istrutturi tal-ispazju tal-ajru;

(c)

l-iffaċilitar tad-delega tal-forniment tas-servizzi tat-traffiku tal-ajru, meta approvat mill-Istat Membru kkonċernat, permezz ta’ appoġġ lill-Istati Membri u l-fornituri tas-servizzi tat-traffiku tal-ajru kkonċernati b’kont meħud tal-ftehimiet neċessarji għall-koordinazzjoni tat-traffiku tal-ajru ġenerali u operazzjonali u l-ħtieġa li tinżamm koordinazzjoni xierqa fl-istrutturi tal-ispazju tal-ajru rilevanti;

(d)

il-koordinazzjoni u l-appoġġ fil-forniment ta’ kapaċità tal-kontroll tat-traffiku tal-ajru fin-network f’konformità mal-impenji stipulati fl-NOP, bil-ħsieb li jiġu ssodisfati r-rekwiżiti tal-prestazzjoni operazzjonali tan-network u l-valuri referenzjarji lokali;

(e)

il-koordinazzjoni u l-appoġġ fil-ġestjoni ta’ kriżijiet tan-network;

(f)

il-koordinazzjoni tar-riżorsi skarsi fil-meded ta’ frekwenzi tal-avjazzjoni użati mit-traffiku tal-ajru ġenerali, b’mod partikolari l-frekwenzi tar-radju kif ukoll il-koordinazzjoni tal-kodiċijiet tar-radar transponder;

(g)

il-koordinazzjoni tal-ATFM u l-forniment, l-organizzazzjoni u t-tħaddim tal-unità ċentrali tal-ATFM;

(h)

l-iżvilupp ta’ proċeduri u l-organizzazzjoni ta’ proċessi għall-attribuzzjoni tad-dewmien tal-ATFM permezz ta’ teħid tad-deċiżjonijiet kooperattiv;

(i)

il-koordinazzjoni, il-monitoraġġ u l-appoġġ fl-attivitajiet tal-ippjanar u tal-implimentazzjoni tal-varar tal-infrastruttura fin-network Ewropew tal-ATM bi sħubija mal-partijiet ikkonċernati operazzjonali biex tiġi żgurata l-parteċipazzjoni attiva tagħhom fil-ġestjoni u l-governanza;

(j)

il-monitoraġġ tal-prestazzjoni tal-infrastruttura tan-Network Ewropew għall-ATM;

(k)

il-koordinazzjoni mal-ICAO u r-reġjuni tal-ICAO b’rabta mat-twettiq tal-funzjonijiet tan-network;

(l)

l-istabbiliment tal-programm ta’ ħidma u l-baġit tal-Maniġer tan-Network;

(m)

il-forniment ta’ data dwar il-pjanijiet tat-titjir b’rabta mar-Regolament (KE) Nru 2111/2005 tal-Parlament Ewropew u tal-Kunsill (22) jew ma’ miżuri oħra tas-sikurezza u s-sigurtà, u permezz ta’ kwalunkwe kompitu ieħor meħtieġ u intrinsikament marbut mal-kontribut tal-Maniġer tan-Network għat-twettiq tal-funzjonijiet tan-network, kif speċifikat fl-atti ta’ implimentazzjoni msemmija fil-paragrafu 10.