Artikolu 44 Reġistru tal-produtturi

1.   Kull Stat Membru għandu, fi żmien 18-il xahar mid-data tad-dħul fis-seħħ tal-ewwel att ta' implimentazzjoni adottat skont il-paragrafu 14, jistabbilixxi reġistru nazzjonali li għandu jservi biex jimmonitorja l-konformità tal-produtturi mar-rekwiżiti stabbiliti f'dan il-Kapitolu.

Kull reġistru nazzjonali għandu jipprovdi links għas-siti web ta' reġistri nazzjonali oħra tal-produtturi biex jiffaċilita, fl-Istati Membri kollha, ir-reġistrazzjoni tal-produtturi jew tar-rappreżentanti awtorizzati għar-responsabbiltà estiża tal-produttur.

2.   Il-produtturi għandhom ikunu obbligati jirreġistraw fir-reġistru msemmi fil-paragrafu 1 ta’ dan l-Artikolu f'kull Stat Membru fejn iqiegħdu għad-dispożizzjoni l-imballaġġ jew il-prodotti fl-imballaġġ fit-territorju tal-Istat Membru għall-ewwel darba jew fejn jispakkjaw prodotti fl-imballaġġ mingħajr ma jkunu l-utenti finali, billi jippreżentaw applikazzjoni għar-reġistrazzjoni lill-awtorità kompetenti responsabbli għar-reġistru ta' kull tali Stat Membru. Meta produttur ikun inkariga organizzazzjoni b'kompetenza fil-qasam tar-responsabbiltà tal-produtturi bit-twettiq tal-obbligi tar-responsabbiltà estiża tal-produttur f’ismu skont l-Artikolu 46(1), l-obbligi stabbiliti f'dan l-Artikolu għandhom jiġu ssodisfati minn dik l-organizzazzjoni, għajr jekk ikun speċifikat mod ieħor mill-Istat Membru li fih ikun stabbilit ir-reġistru.

3.   L-Istati Membri jistgħu jipprevedu li l-obbligi stabbiliti f'dan l-Artikolu jistgħu, fuq il-bażi ta' mandat bil-miktub, jiġu ssodisfati, f'isem il-produtturi minn rappreżentant awtorizzat għar-responsabbiltà estiża tal-produttur.

4.   Il-produtturi ma għandhomx iqiegħdu għad-dispożizzjoni l-imballaġġ jew prodotti fl-imballaġġ fit-territorju ta' Stat Membru għall-ewwel darba, jew jispakkjaw prodotti fl-imaballaġġ mingħajr ma jkunu l-utenti finali, jekk huma jew, meta jkun applikabbli, f'konformità mal-Artikolu 45, ir-rappreżentanti awtorizzati tagħhom għar-responsabbiltà estiża tal-produttur ma jkunux irreġistrati f'dak l-Istat Membru.

5.   L-applikazzjoni għar-reġistrazzjoni għandha tinkludi l-informazzjoni li għandha tiġi pprovduta f'konformità mal-Parti A tal-Anness IX. Stat Membru jista’ jitlob lill-produtturi jipprovdu informazzjoni jew dokumenti addizzjonali jekk tali informazzjoni jew dokumenti jkunu meħtieġa għall-monitoraġġ u l-iżgurar tal-konformità ma' dan ir-Regolament u mar-regoli adottati minn dak l-Istat Membru skont l-Artikolu 40(2).

6.   Meta rappreżentant awtorizzat għar-responsabbiltà estiża tal-produttur ikun jirrappreżenta aktar minn produttur wieħed, dan għandu jipprovdi, minbarra l-informazzjoni li għandha tiġi pprovduta skont il-paragrafu 5, l-isem u d-dettalji tal-kuntatt ta' kull wieħed mill-produtturi li jirrapreżenta, separatament.

7.   Il-produttur jew, fejn applikabbli, ir-rappreżentant awtorizzat tal-produttur għar-responsabbiltà estiża tal-produttur jew l-organizzazzjoni b'kompetenza fil-qasam tar-responsabbiltà tal-produtturi, kif stipulat mil-liġi nazzjonali f'konformità mal-paragrafi 2 u 3 ta' dan l-Artikolu, għandhom jissottomettu l-informazzjoni stabbilita fil-Parti B, il-punt 1, tal-Anness IX lill-awtorità kompetenti responsabbli għar-reġistru, sal-1 ta' Ġunju għal kull sena kalendarja preċedenti sħiħa.

L-Istati Membri jistgħu jirrikjedu li l-informazzjoni provduta skont dan il-paragrafu tiġi awditjata u ċċertifikata minn awdituri indipendenti taħt is-superviżjoni tal-awtoritajiet kompetenti msemmija fl-Artikolu 40(1), abbażi ta' standard nazzjonali possibbli.

8.   Meta produttur, qiegħed għad-dispożizzjoni għall-ewwel darba fit-territorju tal-Istat Membru kwantità ta' imballaġġ, inkluż l-imballaġġ ta’ prodotti fl-imballaġġ, ta’ inqas minn 10 tunnellati matul sena kalendarja waħda, jew fil-każ ta’ produttur definit fl-Artikolu 3(1), punt (15)(e), jispakkja kwantita’ ta’ imballaġġ ta’ inqas minn 10 tunnellati matul sena kalendarja waħda, il-produttur jew, fejn applikabbli, ir-rappreżentant awtorizzat tal-produttur għar-responsabbiltà estiża tal-produttur jew l-organizzazzjoni b'kompetenza fil-qasam tar-responsabbiltà tal-produtturi, kif stipulat mil-liġi nazzjonali f'konformità mal-paragrafi 2 u 3 ta' dan l-Artikolu, għandhom jippreżentaw l-informazzjoni stabbilita fil-Parti B, il-punt 2, tal-Anness IX lill-awtorità kompetenti responsabbli għar-reġistru, sal-1 ta' Ġunju għal kull sena kalendarji preċedenti sħiħa.

B’deroga mill-ewwel subparagrafu, Stat Membru jista’, għal sena kalendarja speċifika, jistabilixxi limitu massimu aktar baxx milli dak imsemmi fl-ewwel subparagrafu jekk l-Istat Membru altrimenti ma jkollux biżżejjed data preċiża sabiex:

9.   Jekk ikun meħtieġ għal raġunijiet ta' baġit, Stat Membru jista' jitlob lill-produttur jissottometti l-informazzjoni li tinsab fil-Parti B, il-punti 1 u 2, tal-Anness IX lill-awtorità kompetenti responsabbli għar-reġistru fuq bażi trimestrali.

10.   Il-produtturi, fil-każ tat-twettiq individwali tal-obbligi tar-responsabbiltà estiża tal-produttur, l-organizzazzjonijiet b'kompetenza fil-qasam tar-responsabbiltà tal-produtturi inkarigati bit-twettiq ta’ dawk l-obbligi, fil-każ tat-twettiq kollettiv tal-obbligi tar-responsabbiltà estiża tal-produttur, jew l-operaturi tas-sistema tal-użu mill-ġdid, fil-każ fejn is-sistemi tal-użu mill-ġdid ikunu qed jissodisfaw l-obbligi tar-responsabbiltà estiża tal-produttur, għandhom jippreżentaw l-informazzjoni stabbilita fil-Parti B, il-punt 3, tal-Anness IX lill-awtorità kompetenti kull sena għal kull sena kalendarja preċedenti sħiħa fuq bażi annwali.

Fejn skont il-liġi nazzjonali, l-awtoritajiet pubbliċi jkunu responsabbli għall-organizzazzjoni tal-immaniġġar tal-iskart mill-imballaġġ, l-Istati Membri jistgħu jipprevedu li l-awtoritajiet għandhom jippreżentaw l-informazzjoni stipulata fil-Parti B, il-punt 3, tal-Anness IX.

11.   L-awtorità kompetenti responsabbli għar-reġistru:

12.   Il-produttur, jew, meta applikabbli, ir-rappreżentant awtorizzat tal-produttur għar-responsabbiltà estiża tal-produttur jew l-organizzazzjoni b'kompetenza fil-qasam tar-responsabbiltà tal-produtturi għandhom jinnotifikaw, mingħajr dewmien żejjed, lill-awtorità kompetenti bi kwalunkwe bidla fl-informazzjoni li tinsab fir-reġistrazzjoni u bi kwalunkwe waqfien permanenti tat-tqegħid għad-dispożizzjoni għall-ewwel darba fit-territorju tal-Istat Membru tal-imballaġġ jew tal-prodott fl-imballaġġ imsemmi fir-reġistrazzjoni. Produttur għandu jitneħħa mir-reġistru 3 snin wara t-tmiem tas-sena kalendarja li fiha tintemm ir-reġistrazzjoni tal-produttur jekk il-produttur ma jkunx għadu jeżisti bħala produttur.

13.   L-Istati Membri għandhom jiżguraw li l-lista ta' produtturi rreġistrati tkun faċilment aċċessibbli, disponibbli għall-pubbliku u mingħajr ħlas, mingħajr preġudizzju għall-preservazzjoni tal-kunfidenzjalità ta' informazzjoni kummerċjalment sensittiva f'konformità mal-liġi rilevanti tal-Unjoni u dik nazzjonali. Il-lista tal-produtturi rreġistrati għandha tkun tista' tinqara minn magna, tista' titqiegħed f'ordni u jkun jista' jsir tiftix fiha, u għandha tirrispetta l-istandards miftuħa għal użu minn parti terza.

14.   Il-Kummissjoni għandha tadotta sat-12 ta’ Frar 2026, atti ta' implimentazzjoni li jistabbilixxu l-format għar-reġistrazzjoni u r-rapportar fir-reġistru u li jispeċifikaw il-granularità tad-data li għandha tiġi pprovduta u t-tipi tal-imballaġġ u l-kategoriji tal-materjali li għandhom jiġu koperti mill-informazzjoni sottomessa.

Il-format għas-sottomissjoni ta’ informazzjoni skont dan l-Artikolu għandu jkun interoperabbli, għandu jkun ibbażat fuq standards miftuħa u data li tinqara minn magna, u għandu jkun trasferibbli permezz ta' network interoperabbli għall-iskambju tad-data mingħajr intrappolament tal-klijentela.

Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 65(2).