Artikolu 47 Awtorizzazzjoni dwar it-twettiq tar-responsabbiltà estiża tal-produttur

1.   Il-produttur, fil-każ tat-twettiq individwali tal-obbligi tar-responsabbiltà estiża tal-produttur, jew l-organizzazzjoni b'kompetenza fil-qasam tar-responsabbiltà tal-produtturi inkarigata bit-twettiq ta’ dawk l-obbligi, fil-każ tat-twettiq kollettiv tal-obbligi tar-responsabbiltà estiża tal-produttur, għandu japplika għal awtorizzazzjoni dwar l-issodisfar tar-responsabbiltà estiża tal-produttur mill-awtorità kompetenti.

2.   Meta jadottaw miżuri li jistabbilixxu r-regoli amministrattivi u proċedurali msemmija fl-Artikolu 40(2), l-Istati Membri għandhom jistabbilixxu r-rekwiżiti u d-dettalji tal-proċedura ta' awtorizzazzjoni. Dawk ir-rekwiżiti u d-dettalji jistgħu jvarjaw għall-issodisfar individwali u kollettiv tal-obbligi tar-responsabbiltà estiża tal-produttur. L-Istati Membri għandhom ukoll jistabbilixxu l-modalitajiet għall-verifika tal-konformità, inkluż l-informazzjoni li għandha tiġi pprovduta mill-produtturi jew mill-organizzazzjonijiet b'kompetenza fil-qasam tar-responsabbiltà tal-produtturi għal dak l-għan. Il-proċedura ta' awtorizzazzjoni għandha tinkludi r-rekwiżiti dwar il-verifika tal-arranġamenti fis-seħħ biex tiġi żgurata l-konformità mar-rekwiżiti stabbiliti fil-paragrafu 3 ta’ dan l-Artikolu, u l-perjodi ta' żmien għal dik il-verifika, li ma għandhomx jaqbżu t-18-il ġimgħa mill-preżentazzjoni tal-fajl komplut tal-applikazzjoni. Dik il-verifika għandha ssir minn awtorità kompetenti jew minn espert indipendenti li għandhom joħorġu rapport ta' verifika dwar ir-riżultat tagħha. L-espert indipendenti għandu jkun indipendenti mill-awtorità kompetenti u mill-organizzazzjonijiet b'kompetenza fil-qasam tar-responsabbiltà tal-produtturi jew mill-produtturi awtorizzati għal eżekuzzjoni individwali.

3.   Il-miżuri li għandhom jiġu stabbiliti mill-Istati Membri f'konformità mal-paragrafu 2 għandhom jinkludu l-miżuri li jiżguraw li:

4.   Il-produttur jew l-organizzazzjoni b'kompetenza fil-qasam tar-responsabbiltà tal-produtturi għandhom jinnotifikaw lill-awtorità kompetenti mingħajr dewmien bla bżonn dwar kwalunkwe bidla fl-informazzjoni li tinsab fl-applikazzjoni għall-awtorizzazzjoni, ta’ kwalunkwe biddla li tikkonċerna t-termini tal-awtorizzazzjoni, jew dwar il-waqfien permanenti tal-operazzjonijiet. Abbażi ta’ xi wħud minn dawn il-bidliet notifikati jew kollha kemm huma, l-awtorità kompetenti tista' tiddeċiedi li temenda l-awtorizzazzjoni.

5.   L-awtorità kompetenti tista' tiddeċiedi li tirrevoka l-awtorizzazzjoni, b'mod partikolari jekk il-produttur jew l-organizzazzjoni b'kompetenza fil-qasam tar-responsabbiltà tal-produtturi ma tibqax tissodisfa r-rekwiżiti dwar l-organizzazzjoni tat-trattament tal-iskart mill-imballaġġ jew tonqos milli tissodisfa obbligi oħra tar-responsabbiltà estiża tal-produttur skont l-iskemi stabbiliti f'konformità mal-Artikoli 8 u 8a tad-Direttiva 2008/98/KE jew skont din it-Taqsima, bħall-obbligi li tirrapporta lill-awtorità kompetenti, jew obbligi li tinnotifika kwalunkwe bidla għat-termini tal-awtorizzazzjoni jew jekk il-produttur ikun waqaf l-operazzjonijiet b’mod permanenti.

6.   Il-produttur, fil-każ tat-twettiq individwali tal-obbligi tar-responsabbiltà estiża tal-produttur, jew l-organizzazzjoni b'kompetenza fil-qasam tar-responsabbiltà tal-produtturi inkarigata bit-twettiq ta’ dawk l-obbligi fil-każ tat-twettiq kollettiv tal-obbligi tar-responsabbiltà estiża tal-produttur, għandhom jipprovdu garanzija adegwata maħsuba biex tkopri l-kostijiet relatati mal-operazzjonijiet tal-immaniġġar tal-iskart dovuti mill-produttur jew l-organizzazzjoni b'kompetenza fil-qasam tar-responsabbiltà tal-produtturi, f'każ ta' nuqqas ta' konformità mal-obbligi tar-responsabbiltà estiża tal-produttur, inkluż fil-waqfien permanenti tal-operazzjonijiet, jew tal-insolvenza tagħha. L-Istati Membri jistgħu jispeċifikaw ir-rekwiżiti addizzjonali għall-garanzija. Il-garanzija tista' ssir fil-forma ta' fond pubbliku ffinanzjat mit-tariffi tal-produtturi u li għaliha Stat Membru jkun responsabbli b'mod konġunt jew in solidum.