Artikolu 74 Kontroll

1.   Id-detentur tad-data dwar is-saħħa għandu jitqies bħala kontrollur għat-tqegħid għad-dispożizzjoni ta’ data elettronika personali dwar is-saħħamitluba skont l-Artikolu 60(1)lill-korp tal-aċċess għad-data dwar is-saħħa.

Il-korp tal-aċċess għad-data dwar is-saħħa għandu jitqies bħala kontrollur għall-ipproċessar tad-data elettronika personali dwar is-saħħa meta jwettaq il-kompiti tiegħu skont dan ir-Regolament.

Minkejja t-tieni subparagrafu ta’ dan il-paragrafu, il-korp tal-aċċess għad-data dwar is-saħħa għandu jitqies li jaġixxi bħala proċessur f’isem l-utent tad-data dwar is-saħħa li jaġixxi bħala kontrollur għall-ipproċessar ta’ data elettronika personali dwar is-saħħa skont permess tad-data maħruġ skont l-Artikolu 68 fl-ambjent tal-ipproċessar sigur meta jipprovdi data permezz ta’ tali ambjent għall-ipproċessar ta’ tali data skont talba għad-data dwar is-saħħa approvata skont l-Artikolu 69 biex jiġi ġġenerat rispons

2.   Fis-sitwazzjonijiet imsemmija fl-Artikolu 72(6), id-detentur tad-data dwar is-saħħa affidabbli għandu jitqies bħala kontrollur għall-ipproċessar tiegħu ta’ data elettronika personali dwar is-saħħa relatata mal-forniment ta’ data elettronika dwar is-saħħa lill-utent tad-data dwar is-saħħa skont permess tad-data jew talba għad-data dwar is-saħħa. Id-detentur tad-data dwar is-saħħa affidabbli għandu jitqies li jaġixxi bħala proċessur f’isem l-utent tad-data dwar is-saħħa meta jipprovdi data permezz ta’ ambjent tal-ipproċessar sigur.

3.   Il-Kummissjoni tista’, permezz ta’ atti ta’ implimentazzjoni, tistabbilixxi mudell għall-ftehimiet bejn il-kontrolluri u l-proċessuri skont il-paragrafu (1) u (2) ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami stabbilita fl-Artikolu 98(2).