ANNESS

(1)

sommarju tal-elementi ewlenin tal-pjan u sommarju tal-kapaċità kumplessiva tal-irkupru;

(2)

sommarju tal-bidliet materjali fis-CCP minn meta ġie ffajljat l-aktar pjan ta’ rkupru reċenti;

(3)

pjan ta’ komunikazzjoni u divulgazzjoni li jiddeskrivi kif is-CCP beħsiebha żżomm lill-awtorità kompetenti tagħha infurmata bis-sitwazzjoni ta’ rkupru u li timmaniġġja kwalunkwe reazzjoni potenzjalment negattiva tas-suq filwaqt li taġixxi bl-aktar mod trasparenti possibbli;

(4)

firxa komprensiva ta’ kapital, allokazzjoni ta’ telf, allokazzjoni ta’ pożizzjoni u azzjonijiet ta’ likwidità meħtieġa biex tinżamm jew tiġi restawrata l-vijabilità u s-solidità finanzjarja tas-CCP inkluż li jiġu restawrati l-valur kontabilistiku rikonċiljat u l-kapital u r-riżorsi prefinanzjati u li jinżamm l-aċċess għal sorsi suffiċjenti ta’ likwidità li huma meħtieġa għas-CCP li żżomm il-vijabilità tagħha bħala negozju avvjat u li tkompli tipprovdi s-servizzi kritiċi tagħha f’konformità mal-atti delegati adottati abbażi tal-Artikoli 16(3) u 44(2) tar-Regolament (UE) Nru 648/2012. L-azzjonijiet ta’ allokazzjoni tat-telf jistgħu jinkludu sejħiet għal flus għal irkupru u tnaqqis fil-valur tal-gwadanji pagabbli mis-CCP lill-membri tal-ikklirjar mhux inadempjenti, fejn definiti fir-regoli operattivi tas-CCP, u ma għandhomx jużaw il-marġni inizjali mibgħuta minn membri tal-ikklirjar mhux inadempjenti biex jallokaw it-telf skont l-Artikolu 45(4) tar-Regolament (UE) Nru 648/2012;

(5)

valutazzjoni tal-għażliet ta’ rkupru fir-rigward ta’:

(6)

kondizzjonijiet u proċeduri xierqa biex jiżguraw l-implimentazzjoni fil-waqt ta’ azzjonijiet ta’ rkupru, inkluż stima tal-perijodu ta’ żmien għall-implimentazzjoni ta’ kull aspett materjali tal-pjan;

(7)

deskrizzjoni dettaljata ta’ kwalunkwe impediment materjali tal-implimentazzjoni effettiva u f’waqtha tal-pjan, inkluż konsiderazzjoni tal-impatt fuq il-membri tal-ikklirjar u l-klijenti inkluż f’każijiet meta l-membri tal-ikklirjar x’aktarx li jieħdu miżuri skont il-pjanijiet ta’ rkupru tagħhom kif imsemmi fl-Artikoli 5 u 7 tad-Direttiva 2014/59/UE, u fejn xieraq fuq il-bqija tal-grupp;

(8)

valutazzjoni tal-adegwatezza tal-għażliet ta’ rkupru biex jiġi indirizzat kull xenarju ta’ pjan ta’ rkupru rilevanti, abbażi ta’ kif dawk l-għażliet:

(9)

l-identifikazzjoni tal-funzjonijiet kritiċi;

(10)

deskrizzjoni dettaljata tal-proċessi għad-determinazzjoni tal-valur u tal-kummerċjabbiltà tal-linji tan-negozju, tal-operazzjonijiet u tal-assi ewlenin tas-CCP;

(11)

deskrizzjoni dettaljata ta’ kif l-ippjanar tal-irkupru huwa integrat fl-istruttura tal-governanza korporattiva tas-CCP, kif jagħmel parti mir-regoli tal-operat tas-CCP li dwarhom ikun intlaħaq qbil bejn il-membri tal-ikklirjar, kif ukoll il-politiki u l-proċeduri li jirregolaw l-approvazzjoni tal-pjan ta’ rkupru u l-identifikazzjoni tal-persuni fl-organizzazzjoni responsabbli għat-tfassil u l-implimentazzjoni tal-pjan;

(12)

arranġamenti u miżuri li jinċentivaw lill-membri tal-ikklirjar mhux inadempjenti biex jagħmlu offerti kompetittivi f’irkantijiet tal-pożizzjonijiet tal-membri inadempjenti;

(13)

arranġamenti u miżuri biex jiġi żgurat li s-CCP ikollha aċċess adegwat għal sorsi ta’ finanzjament ta’ kontinġenza, inklużi sorsi potenzjali ta’ likwidità, sabiex jippermettulha tkompli twettaq l-operazzjonijiet tagħha u tissodisfa l-obbligi tagħha malli jsiru dovuti;

(14)

valutazzjoni tal-kollateral disponibbli u valutazzjoni tal-possibbiltà li jiġu trasferiti riżorsi jew likwidità bejn il-linji tan-negozju;

(15)

arranġamenti u miżuri:

(16)

arranġamenti preparatorji sabiex jiġi ffaċilitat il-bejgħ tal-assi jew tal-linji tan-negozju f’qafas taż-żmien xieraq sabiex tiġi restawrata s-solidità finanzjarja, inkluż valutazzjoni tal-effett potenzjali ta’ tali bejgħ fuq l-operazzjonijiet tas-CCP;

(17)

fejn huma previsti azzjonijiet jew strateġiji oħra ta’ ġestjoni biex tiġi restawrata s-solidità finanzjarja, deskrizzjoni ta’ dawk l-azzjonijiet jew l-istrateġiji u l-effett finanzjarju antiċipat tagħhom;

(18)

miżuri preparatorji li s-CCP tkun ħadet jew tippjana li tieħu biex tiffaċilita l-implimentazzjoni tal-pjan ta’ rkupru, inkluż dawk meħtieġa biex tippermetti rikapitalizzazzjoni f’waqtha tas-CCP, tirrestawra l-valur kontabilistiku rikonċiljat u l-passivi u tirrikostitwixxi r-riżorsi prefinanzjati tagħha kif ukoll l-infurzabbiltà transkonfinali tiegħu;

(19)

qafas ta’ indikaturi kwantitattivi u kwalitattivi li jidentifikaw il-punti li fihom jistgħu jittieħdu l-azzjonijiet adatti msemmija fil-pjan;

(20)

fejn applikabbli, analiżi ta’ kif u meta s-CCP tista’ tapplika, bil-kondizzjonijiet indirizzati mill-pjan, għall-użu ta’ faċilitajiet ta’ bank ċentrali u tidentifika dawk l-assi li jkunu mistennija jikkwalifikaw bħala kollateral skont it-termini tal-faċilità tal-bank ċentrali;

(21)

filwaqt li jitqiesu d-dispożizzjonijiet tal-Artikolu 49(1) tar-Regolament (UE) Nru 648/2012, firxa ta’ xenarji li jaffettwaw serjament is-solidità finanzjarja jew il-vijabilità operazzjonali tas-CCP u jkunu rilevanti għall-kondizzjonijiet speċifiċi tas-CCP bħat-taħlita tal-prodott, il-mudell kummerċjali u l-likwidità u l-qafas ta’ governanza tar-riskju tagħha, inkluż xenarji li jinvolvu eventi mifruxa mas-sistema kollha jew eventi speċifiċi għall-entità ġuridika u għal kwalunkwe grupp li tappartjeni għalih u stress speċifiku għal membri tal-ikklirjar individwali tas-CCP jew, fejn xieraq, FMI marbuta; u

(22)

filwaqt li jitqiesu l-Artikolu 34 u l-Artikolu 49(1) tar-Regolament (UE) Nru 648/2012, firxa ta’ xenarji li jaffettwaw serjament is-solidità jew il-vijabilità operazzjonali tas-CCP u jirriżultaw kemm mill-istress jew mill-inadempjenza ta’ mill-anqas iż-żewġ membri tal-ikklirjar li fir-rigward tagħhom is-CCP għandha l-akbar skoperturi taħt kondizzjonijiet estremi iżda plawsibbli tas-suq, u minn raġunijiet oħra inkluż telf mill-attivitajiet ta’ investiment tas-CCP jew minn problemi operazzjonali, inkluż theddid estern sever għal operazzjonijiet ta’ CCP minħabba tfixkil estern, xokk jew inċident relatat maċ-ċibernetika.

(1)

deskrizzjoni dettaljata tal-istruttura organizzazzjonali tas-CCP, inkluża lista tal-persuni ġuridiċi kollha;

(2)

identifikazzjoni tad-detenturi diretti u l-perċentwali tad-drittijiet tal-vot u tad-drittijiet bla vot ta’ kull persuna ġuridika;

(3)

il-post, il-ġurisdizzjoni tal-inkorporazzjoni, il-liċenzjar u l-immaniġġjar ewlenin assoċjati ma’ kull persuna ġuridika;

(4)

immappjar tal-funzjonijiet kritiċi u tal-linji tan-negozju ewlenin tas-CCP inklużi d-dettalji tal-karta tal-bilanċ ta’ dawn il-funzjonijiet u l-linji tan-negozju, b’referenza għall-persuni ġuridiċi;

(5)

deskrizzjoni dettaljata tal-komponenti tas-CCP kollha u tal-attivitajiet kummerċjali kollha tal-entitajiet ġuridiċi tagħha, isseparati, bħala minimu skont it-tipi tas-servizzi u l-ammonti rispettivi ta’ volumi kklerjati, interess miftuħ, marġini inizjali, marġini ta’ varjazzjoni, fondi ta’ inadempjenza u kwalunkwe dritt assoċjat ieħor ta’ valutazzjoni jew azzjonijiet oħra ta’ rkupru li jappartjenu lil tali linji ta’ negozju;

(6)

dettalji tal-kapital u tal-istrumenti tad-dejn maħruġin mis-CCP u mill-entitajiet ġuridiċi tagħha;

(7)

identifikazzjoni ta’ mingħand min is-CCP tkun irċeviet il-kollateral u f’liema forma (trasferiment ta’ titolu jew garanzija), u li għalihom tkun ippleġġjat kollateral u f’liema forma u l-persuna li żżomm il-kollateral, u fiż-żewġ każijiet l-ġurisdizzjoni li fiha jinsab il-kollateral;

(8)

deskrizzjoni tal-iskoperturi li ma jidhrux fil-karta tal-bilanċ tas-CCP u tal-entitajiet legali tagħha, inkluż immappjar tal-operazzjonijiet kritiċi u tal-linji tan-negozju ewlenin tagħha;

(9)

il-ħeġġijiet materjali tas-CCP inkluż l-immappjar ma’ persuni ġuridiċi;

(10)

identifikazzjoni tal-iskoperturi u tal-importanza relattivi tal-membri tal-ikklirjar tas-CCP kif ukoll analiżi tal-impatt tal-falliment ta’ membri ewlenin tal-ikklirjar tas-CCP;

(11)

kull sistema li fiha s-CCP twettaq għadd materjali jew tivvalorizza l-ammont tat-tranżazzjonijiet, inkluż l-immappjar mal-persuni ġuridiċi, l-operazzjonijiet kritiċi u l-linji tan-negozju ewlenin tas-CCP;

(12)

kull sistema ta’ pagament, ikklirjar jew saldu li s-CCP hija direttament jew indirettament membru tagħha, inkluż l-immappjar mal-persuni ġuridiċi, l-operazzjonijiet kritiċi u l-linji tan-negozju ewlenin tas-CCP;

(13)

inventarju u deskrizzjoni dettaljati tas-sistemi tal-immaniġġjar tal-informazzjoni ewlenija, inklużi dawk għall-immaniġġjar tar-riskji, għall-kontabbiltà u għar-rapportar finanzjarju u regolatorju użati mis-CCP inkluż l-immappjar mal-persuni ġuridiċi, tal-operazzjonijiet kritiċi u tal-linji tan-negozju ewlenin tas-CCP;

(14)

identifikazzjoni tas-sidien tas-sistemi identifikati fil-punt (13), il-ftehimiet fil-livell ta’ servizz relatati magħhom, u kwalunkwe software u sistemi jew liċenzji, inkluż l-immappjar mal-entitajiet legali, tal-operazzjonijiet kritiċi u tal-linji tan-negozju ewlenin tagħhom;

(15)

identifikazzjoni u mmappjar mal-persuni ġuridiċi u l-interkonnessjonijiet u l-interdipendenzi bejn l-persuni ġuridiċi differenti bħal:

(16)

l-awtorità kompetenti u l-awtorità ta’ riżoluzzjoni għal kull persuna ġuridika, jekk ikunu differenti minn dawk maħtura skont l-Artikolu 22 tar-Regolament (UE) Nru 648/2012 u skont l-Artikolu 3 ta’ dan ir-Regolament;

(17)

il-membru tal-bord responsabbli li jipprovdi l-informazzjoni meħtieġa biex jitfassal il-pjan ta’ riżoluzzjoni ta’ CCP kif ukoll dawk responsabbli, jekk differenti, għall-persuni ġuridiċi differenti, għall-operazzjonijiet kritiċi u għal-linji tan-negozju ewlenin;

(18)

deskrizzjoni tal-arranġamenti li s-CCP għandha fis-seħħ sabiex tiżgura li, fil-każ ta’ riżoluzzjoni, l-awtorità ta’ riżoluzzjoni jkollha l-informazzjoni kollha meħtieġa, kif determinat mill-awtorità ta’ riżoluzzjoni, għall-applikazzjoni tal-għodod tar-riżoluzzjoni u l-eżerċizzju tas-setgħat tar-riżoluzzjoni;

(19)

Il-ftehimiet kollha konklużi mis-CCP u l-entitajiet ġuridiċi ma’ partijiet terzi, li t-terminazzjoni tagħhom tista’ tiskatta permezz ta’ deċiżjoni tal-awtoritajiet li japplikaw għodda tar-riżoluzzjoni u jekk il-konsegwenzi tat-terminazzjoni jistgħux jaffettwaw l-applikazzjoni tal-għodda tar-riżoluzzjoni;

(20)

deskrizzjoni ta’ sorsi possibbli ta’ likwidità biex isostnu riżoluzzjoni;

(21)

informazzjoni dwar tfixkil għall-assi, għall-assi likwidi, għall-attivitajiet li ma jidhrux fil-karta tal-bilanċ, għall-istrateġiji tal-iħħeġjar u għall-prassi tad-dħul fil-kotba.

(1)

sa fejn is-CCP tkun tista’ timmappja l-linji tan-negozju ewlenin u l-operazzjonijiet kritiċi għal persuni ġuridiċi;

(2)

sa fejn l-istrutturi ġuridiċi u korporattivi jkunu allinjati mal-linji tan-negozju ewlenin u mal-operazzjonijiet kritiċi;

(3)

il-punt sa fejn l-istruttura ġuridiċi tas-CCP jimpedixxu l-applikazzjoni tal-għodod tar-riżoluzzjoni minħabba l-għadd ta’ persuni ġuridiċi, il-kumplessità tal-istruttura tal-grupp jew diffikultà fl-allinjament tal-linji tan-negozju mal-entitajiet fi grupp;

(4)

il-punt sa fejn ikun hemm arranġamenti fis-seħħ biex jipprovdu għall-persunal essenzjali, għall-infrastruttura, għall-finanzjament, għal-likwidità u għall-kapital biex jiġu sostnuti u miżmuma l-linji tan-negozju ewlenin u l-operazzjonijiet kritiċi;

(5)

l-eżistenza u s-solidità ta’ ftehimiet fil-livell ta’ servizz;

(6)

il-punt sa fejn il-ftehimiet tas-servizz li s-CCP ikollha huma infurzabbli b’mod sħiħ fil-każ ta’ riżoluzzjoni tas-CCP;

(7)

il-punt sa fejn l-istruttura tal-governanza tas-CCP hija adegwata għall-immaniġġjar u l-iżgurar tal-konformità mal-politiki interni tas-CCPs fir-rigward tal-ftehimiet tagħha fil-livell ta’ servizz;

(8)

il-punt sa fejn is-CCP għandha proċess għat-transizzjoni tas-servizzi pprovduti skont il-ftehimiet fil-livell ta’ servizz lil partijiet terzi fil-każ ta’ separazzjoni tal-funzjonijiet kritiċi jew tal-linji tan-negozju ewlenin;

(9)

il-punt sa fejn hemm pjanijiet u miżuri ta’ kontinġenza fis-seħħ biex jiżguraw il-kontinwità fl-aċċess għas-sistemi tal-pagamenti u tas-saldu;

(10)

l-adegwatezza tas-sistemi tal-informazzjoni tal-maniġment biex jiżguraw li l-awtoritajiet tar-riżoluzzjoni jkunu jistgħu jiġbru informazzjoni eżatta u kompleta fir-rigward tal-linji tan-negozju ewlenin u tal-operazzjonijiet kritiċi sabiex jiġi faċilitat it-teħid rapidu ta’ deċiżjonijiet;

(11)

il-kapaċità tas-sistemi tal-informazzjoni tal-maniġment li jipprovdu l-informazzjoni essenzjali għar-riżoluzzjoni effettiva tas-CCP il-ħin kollu, anke taħt kondizzjonijiet li jinbidlu b’mod rapidu;

(12)

il-punt sa fejn is-CCP tkun ittestjat is-sistemi tagħha tal-informazzjoni tal-maniġment f’xenarji ta’ stress kif definit mill-awtorità ta’ riżoluzzjoni;

(13)

il-punt sa fejn is-CCP tista’ tiżgura l-kontinwità tas-sistemi tal-informazzjoni tal-maniġment tagħha kemm għas-CCP affettwata u għas-CCP l-ġdida fil-każ li l-operazzjonijiet kritiċi u l-linji tan-negozju ewlenin jiġu sseparati mill-bqija tal-operazzjonijiet u mil-linji tan-negozju;

(14)

il-punt sa fejn kwalunkwe garanzija intragrupp tiġi pprovduta skont il-kondizzjonijiet tas-suq u sakemm is-sistemi tal-immaniġġjar tar-riskju li jikkonċernaw dawk il-garanziji ikunu robusti, fejn is-CCP tibbenefika minn jew tkun esposta għal tali garanziji;

(15)

il-punt sa fejn kwalunkwe tranżazzjoni intragrupp titwettaq bil-kondizzjonijiet tas-suq u sakemm is-sistemi tal-immaniġġjar tar-riskji li jikkonċernaw dawk il-prattiki tat-tranżazzjonijiet ikunu robusti, meta s-CCP tinvolvi ruħha f’tali tranżazzjonijiet;

(16)

il-punt sa fejn l-użu ta’ kwalunkwe garanzija jew tranżazzjoni intragrupp iżid il-kontaġju fil-grupp;

(17)

il-punt sa fejn ir-riżoluzzjoni tas-CCP jista’ jkollha impatt negattiv fuq parti oħra tal-grupp tagħha, b’mod partikolari fejn tali grupp jinkludi FMIs oħrajn, fejn applikabbli;

(18)

jekk l-awtoritajiet ta’ pajjiżi terzi għandhomx l-għodda tar-riżoluzzjoni meħtieġa biex jappoġġjaw azzjonijiet ta’ riżoluzzjoni mill-awtoritajiet tal-Unjoni, u l-ambitu għal azzjoni koordinata bejn l-Unjoni u l-awtoritajiet ta’ pajjiż terz;

(19)

il-fattibbiltà li jiġu applikati l-għodod ta’ riżoluzzjoni b’tali mod li jintlaħqu l-objettivi tar-riżoluzzjoni, fid-dawl tal-għodod disponibbli u tal-istruttura tas-CCP;

(20)

kwalunkwe rekwiżit speċifiku meħtieġa biex jinħarġu strumenti ta’ sjieda ġodda kif imsemmi fl-Artikolu 33(1);

(21)

l-arranġamenti u l-mezzi li permezz tagħhom ir-riżoluzzjoni tista’ tiġi ppreġudikata fil-każ ta’ CCP li jkollha membri tal-ikklirjar jew arranġamenti kollaterali stabbiliti f’ġurisdizzjonijiet differenti;

(22)

il-kredibilità li jiġu applikati l-għodod tar-riżoluzzjoni b’tali mod li jintlaħqu l-objettivi tar-riżoluzzjoni, minħabba l-impatti possibbli fuq il-membri tal-ikklirjar u, fejn applikabbli, il-klijenti tagħhom, kontropartijiet oħra u l-impjegati u l-azzjonijiet possibbli li jistgħu jieħdu l-awtoritajiet ta’ pajjiż terz;

(23)

il-punt sa fejn jista’ jiġi evalwat adegwatament l-impatt tar-riżoluzzjoni tas-CCP fuq is-sistema finanzjarja u fuq il-fiduċja fis-suq finanzjarju;

(24)

il-punt sa fejn ir-riżoluzzjoni tas-CCP jista’ jkollha effett negattiv dirett jew indirett sinifikanti fuq is-sistema finanzjarja, il-fiduċja fis-suq jew fuq l-ekonomija;

(25)

il-punt sa fejn il-kontaġju f’CCPs oħra jew fis-swieq finanzjarji jista’ jiġi kontenut permezz tal-applikazzjoni tal-għodod tar-riżoluzzjoni u l-eżerċizzju tas-setgħat tar-riżoluzzjoni; u

(26)

il-punt sa fejn ir-riżoluzzjoni tas-CCP jista’ jkollha impatt sinifikanti fuq l-operat tas-sistemi tal-pagament u tas-saldu.