ANNESS III SPEĊIFIKAZZJONIJIET GĦALL-ANALIŻI TA’ PARAMETRI

---

ANNESS III

SPEĊIFIKAZZJONIJIET GĦALL-ANALIŻI TA’ PARAMETRI

L-Istati Membri għandhom jiżguraw li l-metodi ta’ analiżi użati għall-finijiet ta’ monitoraġġ u dimostrazzjoni tal-konformità ma’ din id-Direttiva, b’eċċezzjoni għat-turbidità, huma vvalidati u ddokumentati skont l-EN ISO/IEC 17025 jew standards oħra ekwivalenti aċċettati fil-livell internazzjonali. L-Istati Membri għandhom jiżguraw li laboratorji jew partijiet ikkuntrattati ma’ laboratorji japplikaw prattiki ta’ sistema ta’ ġestjoni ta’ kwalità skont l-EN ISO/IEC 17025 jew standards oħra ekwivalenti aċċettati fil-livell internazzjonali.

Għall-finijiet tal-valutazzjoni tal-ekwivalenza ta’ metodi alternattivi mal-metodi stabbiliti f’dan l-Anness, l-Istati Membri jistgħu jużaw l-istandard EN ISO 17994, stabbilit bħala l-istandard għall-ekwivalenza tal-metodi mikrobijoloġiċi, jew l-istandard EN ISO 16140 jew kwalunkwe protokoll ieħor simili aċċettat fuq livell internazzjonali, sabiex jistabbilixxu l-ekwivalenza ta’ metodi bbażati fuq prinċipji oħra għajr il-kultura, li jmorru lil hinn mill-ambitu tal-EN ISO 17994.

Fin-nuqqas ta’ metodu analitiku li jissodisfa l-kriterji tal-prestazzjoni minima stipulati fil-Parti B, l-Istati Membri għandhom jiżguraw li l-monitoraġġ isir bl-użu tal-aħjar tekniki disponibbli iżda li ma joħolqux spejjeż eċċessivi.

PARTI A

Parametri mikrobijoloġiċi b’metodi tal-analiżi speċifikati għalihom

Il-metodi tal-analiżi għall-parametri mikrobijoloġiċi huma:

PARTI B

Parametri kimiċi u parametri indikaturi b’karatteristiċi tal-prestazzjoni speċifikati għalihom

1.   Parametri kimiċi u parametri indikaturi

Għall-parametri stipulati fit-Tabella 1 ta’ dan l-Anness, il-metodu tal-analiżi użat għandu, bħala minimu, ikun kapaċi jkejjel il-konċentrazzjonijiet daqs il-valur parametriku b’limitu ta’ kwantifikazzjoni, kif definit fil-punt (2) tal-Artikolu 2 tad-Direttiva tal-Kummissjoni 2009/90/KE ( 5 ), ta’ 30 % jew anqas tal-valur parametriku u inċertezza tal-kejl kif speċifikat fit-Tabella 1 ta’ dan l-Anness. Ir-riżultat għandu jiġi espress bl-użu ta’ mill-anqas l-istess għadd ta’ ċifri sinifikanti bħal dak tal-valur parametriku msemmi fil-Partijiet B u C tal-Anness I għal din id-Direttiva.

L-inċertezza tal-kejl stabbilita fit-Tabella 1 ma għandhiex tintuża bħala tolleranza addizzjonali mal-valuri parametriċi stipulati fl-Anness I.

2.   Noti għat- Tabella 1

Nota 1

:

L-inċertezza tal-kejl hija parametru mhux negattiv li jikkaratterizza d-dispersjoni tal-valuri ta’ kwantità attribwiti għal mikjel u bbażat fuq l-informazzjoni li ntużat. Il-kriterju tal-prestazzjoni għall-kejl tal-inċertezza (k = 2) huwa l-persentaġġ tal-valur parametriku msemmi fit-tabella jew kwalunkwe valur aktar strett. L-inċertezza tal-kejl għandu jiġi kkalkulat fil-livell tal-valur parametriku, sakemm ma jiġix speċifikat mod ieħor.

Nota 2

:

Jekk il-valur tal-inċertezza tal-kejl ma jistax jiġi ssodisfat, għandha tingħażel l-aħjar teknika disponibbli (sa 60 %).

Nota 3

:

Il-metodu għandu jistabilixxi t-total ta’ ċjanur fil-forom kollha.

Nota 4

:

Il-valur għall-inċertezza tal-kejl huwa espress f’unitajiet ta’ pH.

Nota 5

:

Metodu ta’ referenza: EN ISO 8467.

Nota 6

:

Il-karatteristiċi tal-prestazzjoni għal pestiċidi individwali jingħataw bħala indikazzjoni. Jistgħu jinkisbu valuri tal-inċertezza tal-kejl baxxi sa 30 % għal diversi pestiċidi, filwaqt li jistgħu jiġu permessi valuri għolja sa 80 % għal għadd ta’ pestiċidi.

Nota 7

:

Il-karatteristiċi ta’ prestazzjoni japplikaw għal sustanzi individwali speċifikati f’25 % tal-valur parametriku fil-Parti B tal-Anness I.

Nota 8

:

Il-karatteristiċi ta’ prestazzjoni japplikaw għal sustanzi individwali speċifikati f’50 % tal-valur parametriku fil-Parti B tal-Anness I.

Nota 9

:

L-inċertezza tal-kejl għandha tiġi stmata fil-livell ta’ 3 mg/l tat-total ta’ karbonju organiku (TOC). Il-linji gwida EN 1484 għad-determinazzjoni tat-TOC u tal-karbonju organiku dissolt (DOC) għandhom jintużaw għall-ispeċifikazzjoni tal-inċertezza tal-metodu ta’ ttestjar.

Nota 10

:

L-inċertezza tal-kejl għandha tiġi stmata fil-livell ta’ 1.0 NTU (unitajiet ta’ turbidità nefelometrika), skont l-EN ISO 7027 jew metodu standard ekwivalenti ieħor.

▼C1

3.   Somma tal-PFAS

Is-sustanzi rilevanti li ġejjin għandhom jiġu analizzati abbażi tal-linji gwida tekniċi żviluppati f’konformità mal-Artikolu 13(7):

▼B

Dawk is-sustanzi għandhom jiġu mmonitorjati meta l-valutazzjoni tar-riskju u l-ġestjoni tar-riskju taż-żoni ta’ wesgħa għall-punti tal-astrazzjoni li jitwettqu f’konformità mal-Artikolu 8 jikkonkludu li huwa probabbli li dawk is-sustanzi jkunu preżenti fi provvista determinata tal-ilma.