ANNESS IX Informazzjoni għar-reġistrazzjoni u għar-rapportar lir-reġistru msemmi fl-Artikolu 44

(a)

l-isem u l-ismijiet tad-ditti (jekk disponibbli) li taħthom il-produttur iqiegħed l-imballaġġ tiegħu, inkluż l-imballaġġ ta’ prodotti fl-imballaġġ, għad-dispożizzjoni fit-territorju tal-Istat Membru u l-indirizz tal-produttur inkluż il-kodiċi postali u l-post, it-triq u n-numru, il-pajjiż, it-telefown, jekk ikun hemm, l-indirizz web u l-indirizz tal-posta elettronika, li jindikaw punt ta' kuntatt uniku;

(b)

fejn produttur ikun awtorizza rappreżentant awtorizzat biex iwettaq f'ismu l-obbligi tar-responsabbiltà estiża tal-produttur, minbarra l-informazzjoni msemmija fil-punt (a): l-isem u l-indirizz inkluż il-kodiċi postali u l-post, it-triq u n-numru, il-pajjiż, it-telefown u l-indirizz tal-posta elettronika tar-rappreżentant awtorizzat;

(c)

il-kodiċi ta' identifikazzjoni nazzjonali tal-produttur, inkluż in-numru tar-reġistru kummerċjali tiegħu jew in-numru ta' reġistrazzjoni uffiċjali ekwivalenti u n-numru ta' identifikazzjoni tat-taxxa Ewropew jew nazzjonali;

(d)

dikjarazzjoni dwar kif il-produttur jissodisfa r-responsabbiltajiet tiegħu skont l-Artikolu 45, inkluż ċertifikat maħruġ mill-organizzazzjoni b'kompetenza fil-qasam tar-responsabbiltà tal-produtturi meta jkun japplika l-Artikolu 46(1).

(a)

l-ismijiet u d-dettalji ta' kuntatt, inkluż il-kodiċijiet postali u l-postijiet, it-toroq u n-numri, il-pajjiżi, it-telefowns, l-indirizzi web u l-indirizzi tal-posta elettronika tal-produtturi rrappreżentati;

(b)

il-mandat ta' kull produttur irrappreżentat, meta applikabbli;

(c)

meta l-organizzazzjoni b'kompetenza fil-qasam tar-responsabbiltà tal-produtturi tirrappreżenta aktar minn produttur wieħed, indikazzjoni separata ta’ kif kull wieħed mill-produtturi rappreżentati jissodisfa r-responsabbiltajiet stipulati fl-Artikolu 45.

(a)

il-kodiċi ta' identifikazzjoni nazzjonali tal-produttur;

(b)

il-perjodu ta' rapportar;

(c)

il-kwantitajiet skont il-piż tal-kategoriji tal-imballaġġ kif stipulati fit-Tabella 1 tal-Anness II li l-produttur iqiegħed għad-dispożizzjoni fit-territorju tal-Istat Membru għall-ewwel darba jew li l-produttur jispakkja mingħajr ma jkun l-utent finali;

(d)

arranġamenti biex tiġi żgurata r-responsabbiltà tal-produttur fir-rigward tal-imballaġġ li jitqiegħed għad-dispożizzjoni għall-ewwel darba fit-territorju tal-Istat Membru jew minn fejn il-prodotti fl-imballaġġ jiġu spakkjati mill-produttur li ma jkunx l-utenti finali.

(a)

il-kodiċi ta' identifikazzjoni nazzjonali tal-produttur;

(b)

il-perjodu ta' rapportar;

(c)

informazzjoni dwar it-tipi ta' imballaġġ stipulati fit-Tabella 1 ta' dan il-punt;

(d)

arranġamenti biex tiġi żgurata r-responsabbiltà tal-produttur fir-rigward tal-imballaġġ li jitqiegħed għad-dispożizzjoni għall-ewwel darba fit-territorju tal-Istat Membru jew minn fejn il-prodotti fl-imballaġġ jiġu spakkjati mill-produttur li ma jkunx l-utenti finali.

(a)

il-kwantitajiet, skont il-piż, għal kull kategorija ta' skart mill-imballaġġ, kif definit fit-Tabella 2 tal-Anness II, miġbura fl-Istat Membru u mibgħuta għas-separazzjoni;

(b)

il-kwantitajiet, skont il-piż, għal kull kategorija tal-iskart mill-imballaġġ riċiklat, irkuprat u mormi fl-Istat Membru jew li jiġi ttrasportat fl-Unjoni jew f'pajjiż terz kif stipulat fit-Tabella 3 tal-Anness XII;

(c)

il-kwantitajiet, skont il-piż, ta' fliexken tax-xorb tal-plastik li jintużaw darba biss miġbura separatament li ma jesgħux aktar minn tliet litri u kontenituri tax-xorb tal-metall li jintużaw darba biss li ma jesgħux aktar minn tliet litri, kif stipulat fit-Tabella 5 tal-Anness XII.