Artikolu 6 Ġestjoni tar-riskju għal TLPTs aggregati jew konġunti

1.   Fil-każ ta’ TLPT konġunt jew TLPT aggregat, it-tim ta’ kontroll ta’ kull entità finanzjarja għandu jwettaq il-valutazzjoni tar-riskju tiegħu stess u jistabbilixxi l-miżuri ta’ ġestjoni tar-riskju tiegħu stess.

2.   It-tim ta’ kontroll tal-entità finanzjarja deżinjata msemmija fl-Artikolu 16(3), il-punt (b), ta’ dan ir-Regolament, jew l-entità finanzjarja deżinjata f’konformità mal-Artikolu 26(4) tar-Regolament (UE) 2022/2554, għandu jivvaluta r-riskji relatati mal-involviment fit-TLPT ta’ diversi entitajiet finanzjarji. It-timijiet ta’ kontroll tal-entitajiet finanzjarji involuti għandhom jikkooperaw mat-tim ta’ kontroll tal-entità finanzjarja deżinjata biex jidentifikaw riskji konġunti potenzjali.