Artikolu 221 1.

Għall-fini tal-kalkolu tal-ammonti tal-iskopertura ponderati għar-riskju u l-ammonti ta' telf mistenni għal tranżazzjonijiet li jiffinanzjaw it-titoli jew għal tranżazzjonijiet oħrajn immotivati mis-swieq kapitali għajr tranżazzjonijiet ta' derivattivi koperti minn ftehim ewlieni ta' netting eliġibbli li jissodisfa r-rekwiżiti stabbiliti fil-Kapitolu 6, it-Taqsima 7, istituzzjoni tista' tikkalkula l-valur tal-iskopertura aġġustat għalkollox (E*) tal-ftehim bl-użu tal-approċċ ibbażat fuq mudell intern, dment li l-istituzzjoni tissodisfa l-kundizzjonijiet stabbiliti fil-paragrafu 2.