Artikolu 325x Ammonti netti ta' inadempjenza immedjata u mhux mistennija

L-istituzzjonijiet għandhom jikkalkulaw l-ammonti netti ta' JTD billi jpaċu l-ammonti grossi ta' JTD ta' skoperturi qosra u skoperturi twal. It-tpaċija għandha tkun possibbli bejn skoperturi għall-istess obbligant meta l-iskoperturi qosra jkollhom l-istess superjorità bħal, jew superjorità iktar baxxa, l-iskoperturi twal.

It-tpaċija għandha tkun sħiħa jew parzjali skont il-maturitajiet tal-iskoperturi ta' tpaċija:

Meta t-tpaċija ma tkunx possibbli l-ammonti grossi ta' JTD għandhom ikunu ugwali għall-ammonti netti ta' JTD fil-każ ta' skoperturi b'maturitajiet ta' sena jew iktar. L-ammonti grossi ta' JTD b'maturitajiet ta' inqas minn sena għandhom jiġu multiplikati bil-proporzjon tal-maturità tal-iskopertura relattiv għal sena, b'minimu ta' tliet xhur, biex jiġu kkalkulati l-ammonti netti ta' JTD.

Għall-finijiet tal-paragrafi 2 u 3, pjuttost għandhom jiġu kkunsidrati l-maturitajiet tal-kuntratti tad-derivattivi milli dawk tas-sottostanti tagħhom. L-iskoperturi għall-ekwità ta' flus għandhom jiġu assenjati maturità ta' sena jew ta' tliet xhur, skont id-diskrezzjoni tal-istituzzjoni.

Meta t-termini kuntrattwali jew legali ta' pożizzjoni tad-derivattivi li jkollha strument ta' dejn jew ta' flus ta' ekwità bħala sottostanti, u ħħeġġjati b'dak l-istrument ta' dejn jew ta' flus ta' ekwità, jippermettu lil istituzzjoni tagħlaq iż-żewġ komponenti ta' dik il-pożizzjoni fiż-żmien tal-iskadenza tal-ewwel li jimmatura miż-żewġ komponenti mingħajr ebda skopertura għar-riskju ta' inadempjenza tas-sottostanti, l-ammont nett ta' inadempjenza immedjata tal-pożizzjoni kkombinata għandu jiġi stabbilit għal żero.