5. Number of stressed periods to use for calibration

Għall-finijiet ta’ approvazzjoni tal-għażla tal-perjodu ta’ stress mill-istituzzjonijiet, awtorità kompetenti hija l-awtorità kompetenti responsabbli għall-eżerċizzju ta’ superviżjoni fuq bażi kkonsolidata ta’ din l-istituzzjoni tal-UE u, fil-każ ta’ mudell intern rikonoxxut ukoll f’livell ta’ sussidjarja, l-awtorità kompetenti responsabbli mill-eżerċizzju ta’ superviżjoni ta’ din is-sussidjarja tal-istituzzjoni tal-UE.

Meta l-awtoritajiet kompetenti japprovaw il-perjodu ta’ stress definit fil-livell tal-grupp skont l-Artikolu 37(2) tad-Direttiva 2006/49/KE b’referenza għall-Artikolu 129 tad-Direttiva 2006/48/KE, għandu jkun meħtieġ li perjodu ta’ stress wieħed jiġi definit fil-livell tal-grupp biss.

Bħala eċċezzjoni għal dan li ntqal hawn fuq, l-awtoritajiet kompetenti għandhom jeħtieġu li istituzzjoni tal-UE tiddetermina perjodu ta’ stress differenti f’livell ta’ sussidjarja jekk il-perjodu ta’ stress definit għall-grupp ma jitqiesx rilevanti għall-portafoll tas-sussidjarja. Meta jintuża perjodu ta’ stress wieħed għal grupp sħiħ f’istituzzjoni li għandha sussidjarja b’mudell tal-VaR lokalment approvat, l-istituzzjonijiet għandhom jagħtu provi li dan il-perjodu ta’ stress għal grupp sħiħ huwa rilevanti għall-portafoll tas-sussidjarja.