7.2 Indikazzjonijiet tal - improbabbiltà tal - ħlas

L- istituzzjonijiet ta’ kreditu għandhom jirrikonoxxu skoperturi bħala improbabbli li jħallsu u jidentifikaw indikazzjonijiet li x’aktarx ikun hemm ħlas skont it - Taqsima 5 tal - Linji Gwida tal - EBA dwar l - applikazzjoni tad - definizzjoni ta’ inadempjenza.

L- istituzzjonijiet ta’ kreditu għandhom jissorveljaw il - kapaċità ta’ ħlas lura tal - mutwatarji. Fil - każ ta’ mutwatarji korporattivi, dan għandu jiġi vvalutat mill - inqas kull sena u f’dati ewlenin ta’ rappurtar li fihom id - data finanzjarja tkun disponibbli. L - istituzzjonijiet ta’ kreditu għandhom jiġbru l - informazzjoni finanzjarja l - aktar reċenti minn mutwatarji korporattivi fi żmien xieraq. In - nuqqas ta’ provvista jew l - għoti tard bla raġuni ta’ informazzjoni jista’ jitqies bħala sinjal negattiv fir - rigward tal - affidabbiltà kreditizja tal - mutwatarju. Fil - każ ta’ mutwatarji mhux korporattivi, l - istituzzjonijiet ta’ kreditu għandhom jimmonitorjaw il - prestazzjoni tal - pagamenti u kwalunkwe sinjal ta’ diffikultajiet finanzjarji li jista’ jkollhom impatt fuq il - kapaċità ta’ ħlas lura. Għall - mutwatarji fuq lista ta’ sorveljanza jew bi klassifikazzjoni dgħajfa, għandu jkun hemm fis - seħħ proċessi ta’ rieżami aktar frekwenti, skont il - materjalità, il - portafoll u l - pożizzjoni finanzjarja tal - mutwatarju. Il - valutazzjoni regolari tal - kapaċitajiet ta’ ħlas lura tal - mutwatarju għandha tapplika wkoll għal self bullet, minħabba li dan is - self jirrappreżenta livell ogħla ta’ riskju minn self li jkun soġġett għal amortizzament regolari u wkoll għaliex il - ħlas kontinwu mill - mutwatarju tal - ammonti tal - imgħax dovut ma jkunx raġuni biżżejjed biex wieħed jassumi li l - ħlas lura finali tas - self se jseħħ.