5. Speċifikazzjonijiet ġenerali għad - data tal - benchmarking kollha li għandha tiġi rrapportata

Meta jissottomettu data tal - benchmarking f’konformità mat - Taqsimiet 3 u 4, id- ditti ta’ investiment u l - awtoritajiet kompetenti għandhom japplikaw l - ispeċifikazzjonijiet ġenerali u tal - kwalità tad - data stabbiliti f’din it - Taqsima u fit - Taqsima 9 u l- ispeċifikazzjonijiet addizzjonali stabbiliti fit - Taqsimiet 6, 7 u 8.

Id- data tal - benchmarking għandha tiġi sottomessa bl - użu taċ - ċifri tal - kontabilità fi tmiem is -sena f’EUR. Meta r - rimunerazzjoni tiġi divulgata f’munita oħra minbarra l - euro, ir- rata tal - kambju użata mill - Kummissjoni Ewropea għall - programmazzjoni finanzjarja u l - baġit għal Diċembru tas -sena rrapportata għandhom jintużaw għall - konverżjoni taċ - ċifri kkonsolidati li għandhom jiġu rrapportati² .

² L- EBA tipprovdi link għall - informazzjoni fuq is - sit web tagħha flimkien ma’ dawn il -Linji Gwida; ir- rata tal - kambju tista’ tiġi aċċessata wkoll taħt http://ec.europa.eu/budget/contracts_grants/info_contracts/inforeuro/inforeuro_en.cfm .

L- ammonti kollha għandhom jiġu rrapportati bħala ammonti sħaħ, jiġifieri mhux ammonti arrotondati, f’EUR (pereżempju, għandhom jiġu rrapportati EUR 1 234 567 minflok EUR 1.2 miljun).

Id- data tal - benchmarking għas - sena kalendarja li fiha tkun intemmet is - sena finanzjarja għandha tiġi sottomessa fis - sena kalendarja ta’ wara. Pereżempju, fir - rigward tal - eżerċizzju ta’ benchmarking għas - sena finanzjarja li tintemm fi kwalunkwe data fis - sena “20ss”, id - data tiġi sottomessa fis - sena “20ss+1”. L - allokazzjoni tal - ammonti għall - parti fissa u varjabbli tar - rimunerazzjoni għandha ssir f’konformità mat - Taqsima 7 tal - Linji Gwida tal - EBA dwar politiki ta’ rimunerazzjoni tajbin skont id - Direttiva 2013/36/UE.