Mudell għall - finijiet tal - Artikolu 17(1), il - punt (b)(ii), u l - Artikolu 18(2), il - punt (e), tar - Regolament (UE) 2023/1114

L- istituzzjonijiet ta’ kreditu u l - persuni ġuridiċi u impriżi oħra li beħsiebhom joffru lill - pubbliku jew ifittxu ammissjoni għan - negozjar ta’ ART għandhom jużaw il - mudell imsemmi fl - Anness B għall - finijiet tal - opinjoni legali dwar il - kwalifika tal - kriptoassi msemmija fl - Artikolu 17(1), il - punt (b)(ii), u l - Artikolu 18(2), il - punt (e), tar - Regolament (UE) Nru 2023/1114.

L- oqsma kollha stabbiliti fil - mudell għandhom jimtlew bl - informazzjoni kollha meħtieġa biex tiġi pprovduta spjegazzjoni ċara, ġusta, mhux qarrieqa u sħiħa tal - klassifikazzjoni tal - kriptoassi. Għandha ssir referenza għall - informazzjoni li ġejja dwar l - ispjegazzjoni tal - klassifikazzjoni tal - kriptoassi:

• a. is - sors tad - definizzjonijiet meqjusa għal kull prodott regolatorju msemmi fil - mudell, inkluż il - liġi applikabbli tal - UE u dik nazzjonali;
• b. l - informazzjoni rilevanti kollha li ġejja:
• i. il - ġurisprudenza tal - Qorti tal - Ġustizzja tal - Unjoni Ewropea u tal - qrati nazzjonali;
• ii. il - miżuri regolatorji, inklużi regoli u gwida, fl - Istat Membru kkonċernat;
• iii. il - gwida interpretattiva mill - Kummissjoni Ewropea u l - Linji Gwida mill - Awtoritajiet Superviżorji Ewropej;
• iv. il - gwida interpretattiva mill - awtoritajiet kompetenti jew kwalunkwe sors ieħor rilevanti għall - interpretazzjoni ta’ kunċetti regolatorji.

Il - mudell għandu jimtela minn konsulent legali intern jew estern. Il - konsulent legali għandu jkun jista’ joħroġ l - opinjoni b’mod oġġettiv, mingħajr kunflitti ta’ interess li ma jistgħux jiġu ġestiti b’mod effettiv. Għandha tiġi pprovduta evidenza tal - kapaċità tal - konsulent legali, bħala kwistjoni ta’ prattika professjonali, sabiex joħroġ opinjoni legali. Din tista’ tinkludi, kif applikabbli, diploma, ċertifikat ta’ prattika, reġistrazzjoni mal - korp professjonali rilevanti fl - Istat Membru kkonċernat.