Artikolu 51 Rekwiżiti proċedurali għall-importazzjonijiet ta’ skart destinat għar-rimi jew matul sitwazzjonijiet ta’ kriżi, jew matul operazzjonijiet tal-istabbiliment tal-paċi jew taż-żamma tal-paċi

notifikatur li ma jkunx stabbilit fl-Unjoni u ma jkollu l-ebda aċċess għal sistema msemmija fl-Artikolu 27, jista’ jissottometti n-notifika u kwalunkwe informazzjoni u dokumentazzjoni addizzjonali mitluba lill-awtoritajiet kompetenti kkonċernati bil-posta, jew jekk ikun xieraq, bil-faks jew bl-email b’firma diġitali; fil-każ ta’ email b’firma diġitali, kwalunkwe timbru jew firma meħtieġa għandhom jiġu sostitwiti bil-firma diġitali;

in-notifikatur, jew meta n-notifikatur ma jkunx stabbilit fl-Unjoni u ma jkollu l-ebda aċċess għal sistema msemmija fl-Artikolu 27, l-awtorità kompetenti tad-destinazzjoni fl-Unjoni, għandhom jiżguraw li l-informazzjoni rilevanti kollha, tal-inqas id-dokument ta’ notifika inkluż kwalunkwe anness, id-dokument ta’ moviment inkluż kwalunkwe anness, il-kunsensi bil-miktub, informazzjoni dwar kunsensi taċiti u l-kundizzjonijiet, tkun inkluża f’dik is-sistema;

l-awtorità kompetenti tad-destinazzjoni u kwalunkwe awtorità kompetenti tat-tranżitu fl-Unjoni għandhom jinformaw lill-awtorità kompetenti tad-dispaċċ u lil kwalunkwe awtorità kompetenti tat-tranżitu barra l-Unjoni bi kwalunkwe talba għal informazzjoni u dokumentazzjoni min-naħa tagħhom u bid-deċiżjoni tagħhom rigward il-vjeġġ ippjanat, bil-posta, jew jekk ikun xieraq, bil-faks jew bl-email b’firma diġitali sakemm l-awtoritajiet kompetenti fil-pajjiżi kkonċernati ma jkollhomx aċċess għas-sistema ċentrali msemmija fl-Artikolu 27(3);

l-informazzjoni li għandha tiġi pprovduta lill-awtorità kompetenti tad-dispaċċ u lil kwalunkwe awtorità kompetenti tat-tranżitu barra l-Unjoni skont l-Artikoli 7, 8, 16 u 17 għandha tiġi pprovduta bil-posta, jew jekk ikun xieraq, bil-faks jew bl-email b’firma diġitali, sakemm dawk l-awtoritajiet ma jkunux konnessi ma’ sistema msemmija fl-Artikolu 27;

awtorità kompetenti tat-tranżitu barra l-Unjoni għandu jkollha 60 jum mid-data tat-trażmissjoni tal-konferma tar-riċevuta ta’ notifika kompluta kif suppost, sabiex tipprovdi, jekk il-pajjiż ikkonċernat ikun iddeċieda li ma jitlobx kunsens bil-miktub minn qabel u jkun informa b’dan lill-Partijiet l-oħra għall-Konvenzjoni ta’ Basilea f’konformità mal-Artikolu 6(4) ta’ dik il-Konvenzjoni, kunsens taċitu jew tagħti kunsens bil-miktub b’xi kundizzjonijiet jew mingħajrhom;

fil-każijiet imsemmija fl-Artikolu 50(1), il-punt (d), li jinvolvu sitwazzjonijiet ta’ kriżi, ta’ operazzjonijiet ta’ stabbiliment tal-paċi jew taż-żamma tal-paċi, jew ta’ gwerra, il-kunsens tal-awtoritajiet kompetenti tad-dispaċċ ma għandux ikun meħtieġ.

l-awtorità kompetenti tad-destinazzjoni, jekk ikun meħtieġ, tista’ tirrikjedi garanzija finanzjarja jew assigurazzjoni ekwivalenti, jew garanzija finanzjarja addizzjonali jew assigurazzjoni ekwivalenti, wara li tkun eżaminat mill-ġdid l-ammont ta’ kopertura ta’ kwalunkwe garanzija finanzjarja jew assigurazzjoni ekwivalenti stabbilita min-notifikatur;

awtorità kompetenti tat-tranżitu fl-Unjoni għandha tipprovdi konferma tar-riċevuta ta’ notifika kompluta kif suppost lin-notifikatur, flimkien ma’ kopji lill-awtoritajiet kompetenti kkonċernati f’każ li ma jkollhomx aċċess għal sistema msemmija fl-Artikolu 27;

l-awtorità kompetenti tad-destinazzjoni u kwalunkwe awtorità kompetenti tat-tranżitu fl-Unjoni għandhom jinfurmaw lill-uffiċċju doganali tad-dħul bid-deċiżjonijiet tagħhom ta’ kunsens għall-vjeġġ;

għandha tiġi kkonsenjata kopja tad-dokument ta’ moviment mit-trasportatur lill-uffiċċju doganali tad-dħul bil-posta, jew jekk ikun xieraq, bil-faks jew bl-email b’firma diġitali jew, meta l-uffiċċju doganali tad-dħul ikollu aċċess għaliha, permezz tas-sistema ċentrali msemmija fl-Artikolu 27(3); u

malli l-iskart ikun ġie rrilaxxat għal proċedura doganali mill-awtoritajiet doganali fid-dħul, l-uffiċċju doganali tad-dħul għandu jinforma lill-awtorità kompetenti tad-destinazzjoni u lil kwalunkwe awtorità kompetenti tat-tranżitu fl-Unjoni li l-iskart ikun daħal fl-Unjoni.

in-notifikatur ikun irċieva kunsens bil-miktub mill-awtoritajiet kompetenti tad-dispaċċ, tad-destinazzjoni u, meta jkun xieraq, tat-tranżitu, u jkunu ġew issodisfati l-kundizzjonijiet stabbiliti f’dawk il-kunsensi jew fl-annessi tagħhom;

ikun ġie konkluż u jkun effettiv kuntratt bejn in-notifikatur u d-destinatarju kif imsemmi fl-Artikolu 6;

tkun ġiet stabbilita u tkun effettiva garanzija finanzjarja jew assigurazzjoni ekwivalenti kif imsemmi fl-Artikolu 7; u

tiġi żgurata ġestjoni li tħares l-ambjent kif imsemmi fl-Artikolu 59.

mingħajr dewmien tinforma lill-awtorità kompetenti tad-destinazzjoni fl-Unjoni bil-vjeġġ illegali, u mbagħad, dik l-awtorità kompetenti għandha tinforma lill-awtorità kompetenti tad-dispaċċ barra l-Unjoni;

tiżgura ż-żamma tal-iskart sakemm l-awtorità kompetenti tad-dispaċċ barra l-Unjoni ma tkunx iddeċidiet mod ieħor u tkun ikkomunikat dik id-deċiżjoni bil-miktub lill-awtorità kompetenti fil-pajjiż tal-uffiċċju doganali li fih ikun miżmum l-iskart; u

mingħajr dewmien, tikkomunika d-deċiżjoni tal-awtorità kompetenti tad-dispaċċ imsemmija fil-punt (b) lill-uffiċċju doganali tad-dħul li skopra l-vjeġġ illegali.