Artikolu 1 Informazzjoni ġenerali li għandha tiġi pprovduta fin-notifiki inizjali u fir-rapporti intermedji u finali dwar inċidenti kbar relatati mal-ICT

x’tip ta’ sottomissjoni hija (notifika inizjali, rapport intermedju, jew rapport finali);

l-isem tal-entità finanzjarja, il-kodiċi LEI tagħha u t-tip ta’ entità finanzjarja, kif msemmi fl-Artikolu 2(1) tar-Regolament (UE) 2022/2554;

l-isem u l-kodiċi ta’ identifikazzjoni tal-entità li tissottometti n-notifika inizjali, jew ir-rapport intermedju jew finali, għall-entità finanzjarja;

fejn applikabbli, l-ismijiet u l-kodiċijiet LEI tal-entitajiet finanzjarji kollha koperti fin-notifika inizjali aggregata jew fir-rapport intermedju jew finali;

id-dettalji ta’ kuntatt tal-persuni responsabbli mill-komunikazzjoni mal-awtorità kompetenti dwar l-inċident kbir relatat mal-ICT;

fejn applikabbli, l-identifikazzjoni tal-impriża prinċipali tal-grupp li għalih tappartjeni l-entità finanzjarja;

fejn ikun hemm impatt monetarju, il-munita li fuqha huma bbażati l-ammonti.