Airteagal 5 Coinníollacha a ndéanfar an comhdhlúthú i gcomhréir leo i gcásanna ina n-imríonn institiúid tionchar suntasach ar institiúid amháin nó ar institiúid airgeadais amháin nó níos mó ná sin, ach gan seilbh a bheith aici ar rannpháirtíocht ná naisc chaipitiúla eile sna hinstitiúidí sin

1.   I gcás ina n-imríonn institiúid tionchar suntasach ar institiúid amháin nó ar institiúid airgeadais amháin nó níos mó ná sin, ach gan seilbh a bheith aici ar rannpháirtíocht ná ar naisc chaipitiúla eile sna hinstitiúidí sin, féadfaidh na húdaráis inniúla a chinneadh go gceanglaítear comhdhlúthú iomlán na n-institiúidí nó na n-institiúidí airgeadais lena mbaineann de bhun Airteagal 18(6), pointe (a), de Rialachán (AE) Uimh. 575/2013, ar bhonn measúnú ar na priacail a bhaineann leis na hinstitiúidí nó leis na hinstitiúidí airgeadais sin don institiúid a imríonn an tionchar suntasach, agus méid agus éifeachtacht aon mhaolaitheoirí priacail mar aon leis an tionchar ar cheanglais stuamachta na hinstitiúide ar bhonn comhdhlúite a d’fhéadfadh teacht as cur i bhfeidhm comhdhlúthaithe iomláin á gcur san áireamh.

2.   Chun críocha an mheasúnaithe dá dtagraítear i mír 1, cuirfidh an institiúid, arna iarraidh sin, gach faisnéis is gá ar fáil don údarás inniúil, go háirithe faisnéis maidir leis na gnéithe dá dtagraítear in Airteagal 4(3), pointí (a) go (i).

3.   Féadfaidh na húdaráis inniúla, go háirithe, comhdhlúthú iomlán na n-institiúidí nó na n-institiúidí airgeadais dá dtagraítear i mír 1 a cheangal i gcás ina mbeidh an institiúid ar ris, de thoradh an chaidrimh eagrúcháin agus airgeadais atá ann idir an institiúid a imríonn an tionchar suntasach agus an institiúid nó institiúid airgeadais lena mbaineann, ar thromlach na bpriacal nó na dtairbhí a eascróidh as gníomhaíochtaí ábhartha na n-institiúidí nó na n-institiúidí airgeadais sin.

4.   Chun críocha an Airteagail seo, áireofar na gnéithe seo a leanas mar tháscairí tionchair shuntasaigh:

5.   Maidir le cé acu is ann do bharántais scaireanna, do chéadroghanna ar cheannach scaireanna, d’ionstraimí fiachais atá in-chomhshóite ina ngnáthscaireanna nó ionstraimí comhchosúla eile nó nach ann dóibh, ar ionstraimí iad atá infheidhmithe agus in-chomhshóite faoi láthair agus a lena bhféadfaí, má fheidhmítear nó má chomhshóitear iad, cumhacht vótála a thabhairt don institiúid nó cumhacht vótála páirtí eile a laghdú ar bheartais airgeadais agus oibríochta na hinstitiúide nó na hinstitiúide airgeadais lena mbaineann, measfar é sin freisin sa mheasúnú ar thionchar suntasach.