Airteagal 3 Teaglaim de ghaolmhaireachtaí rialaithe agus spleáchais eacnamaíocha

1.   Beidh riosca aonair ag baint le triúr nó níos mó daoine nádúrtha nó dlítheanacha, i gcás ina bhfuil riosca aonair ag baint le beirt nó níos mó de na daoine sin trí bhíthin rialaithe i gcomhréir le hAirteagal 1 (an grúpa rialaithe) agus go bhfuil baint ag duine nádúrtha nó dlítheanach amháin nó níos mó le duine amháin nó níos mó de na daoine atá mar chuid den ghrúpa rialaithe trí bhíthin spleáchas eacnamaíoch i gcomhréir le hAirteagal 2.

2.   I gcás ina bhfuil an duine atá nasctha trí bhíthin spleáchas eacnamaíoch dá dtagraítear i mír 1 mar chuid de ghrúpa eile cliant nasctha, beidh riosca aonair ag baint leis na daoine uile freisin, atá faoi rialú an duine sin atá spleách go heacnamaíoch nó atá spleách go heacnamaíoch iad féin ar an duine sin, mar aon leis na daoine ón ngrúpa rialaithe dá dtagraítear i mír 1 freisin.

3.   De mhaolú ar mhíreanna 1 agus 2, más rud é, i gcásanna eisceachtúla, gur féidir le hinstitiúid a léiriú nach bhfuil forlámhas ag aon riosca aonair in ainneoin go gcomhlíontar na himthosca dá dtagraítear sna míreanna sin maidir le triúr nó níos mó daoine nádúrtha nó dlítheanacha, ní fhéadfaidh an institiúid na daoine sin a shainaithint mar ghrúpa cliant nasctha.