9. Áiritheoidh na Ballstáit go bhfíoróidh na heintitis atá i gceannas ar na cláir lárnacha an mbaineann an fhaisnéis maidir le húinéireacht thairbhiúil atá sna cláir lárnacha sin le daoine nó le heintitis atá ainmnithe i ndáil le smachtbhannaí airgeadais spriocdhírithe. Déanfar an fíorú sin láithreach tar éis ainmniú i ndáil le smachtbhannaí airgeadais spriocdhírithe agus go tráthrialta.
Áiritheoidh na Ballstáit go n-áireofar san fhaisnéis atá sna cláir lárnacha tásc go bhfuil baint ag an eintiteas dlítheanach le daoine nó eintitis atá faoi réir smachtbhannaí airgeadais spriocdhírithe, in aon cheann de na cásanna seo a leanas:
|
(a)
|
eintiteas dlítheanach nó socrú dlíthiúil atá faoi réir smachtbhannaí airgeadais spriocdhírithe;
|
|
(b)
|
eintiteas dlítheanach nó socrú dlíthiúil atá á rialú ag duine nó eintiteas atá faoi réir smachtbhannaí airgeadais spriocdhírithe;
|
|
(c)
|
úinéir tairbhiúil eintitis dhlítheanaigh nó socraithe dhlíthiúil atá faoi réir smachtbhannaí airgeadais spriocdhírithe.
|
Beidh an tásc dá dtagraítear sa dara fomhír den mhír seo infheicthe ag aon duine nó eintiteas dá ndeonaítear rochtain ar an bhfaisnéis sna cláir lárnacha de bhun Airteagail 11 agus 12, agus fanfaidh sé de bheith ann go dtí go gcuirfear deireadh leis na smachtbhannaí airgeadais spriocdhírithe.