7. Áiritheoidh na Ballstáit nach ndiúltóidh eintitis atá i gceannas ar chláir lárnacha iarraidh ar rochtain ar fhaisnéis maidir le húinéireacht thairbhiúil ach amháin ar cheann amháin de na forais seo a leanas:
|
(a)
|
níor chuir an t-iarratasóir an fhaisnéis nó na doiciméid is gá ar fáil de bhun mhír 1;
|
|
(b)
|
níor léiríodh leas dlisteanach maidir le rochtain a fháil ar fhaisnéis maidir le húinéireacht thairbhiúil;
|
|
(c)
|
i gcás, ar bhonn faisnéise atá ina sheilbh, ina bhfuil ábhar imní réasúnach ag an eintiteas atá i gceannas ar an gclár lárnach nach n-úsáidfear an fhaisnéis chun na gcríoch dár iarradh í nó go n-úsáidfear an fhaisnéis chun críocha nach bhfuil bainteach le sciúradh airgid, a chionta preideacáide nó maoiniú na sceimhlitheoireachta a chosc;
|
|
(d)
|
beidh feidhm ag ceann amháin nó níos mó de na cásanna dá dtagraítear in Airteagal 15;
|
|
(e)
|
sna cásanna dá dtagraítear i mír 3, ní chumhdaítear leis an leas dlisteanach chun rochtain a fháil ar fhaisnéis maidir le húinéireacht thairbhiúil arna deonú ag clár lárnach Ballstáit eile na críocha dá bhfuil an fhaisnéis á lorg;
|
|
(f)
|
i gcás ina bhfuil an t-iarratasóir i dtríú tír agus nach mbeadh sé i gcomhréir le forálacha Chaibidil V de Rialachán (AE) 2016/679 freagra a thabhairt ar an iarraidh ar rochtain ar fhaisnéis.
|
Áiritheoidh na Ballstáit go bhféachfaidh na heintitis atá i gceannas ar chláir lárnacha an bhféadfaí faisnéis bhreise nó doiciméid bhreise a iarraidh ar an iarratasóir sula ndiúltófaí d’iarraidh ar rochtain ar na forais a liostaítear i bpointí (a), (b), (c) agus (e) den chéad fhomhír. I gcás ina n- iarrfaidh eintitis atá i gceannas ar chláir lárnacha faisnéis bhreise, cuirfear síneadh 7 lá oibre leis an sprioc-am chun freagra a thabhairt.