7. L-Istati Membri għandhom jiżguraw li l-entitajiet responsabbli għar-reġistri għandhom jirrifjutaw biss talba għall-aċċess għall-informazzjoni dwar is-sjieda benefiċjarja għal waħda mir-raġunijiet li ġejjin:
|
(a)
|
l-applikant ma jkunx ipprovda l-informazzjoni jew id-dokumenti meħtieġa skont il-paragrafu 1;
|
|
(b)
|
ma jkunx intwera interess leġittimu biex tiġi aċċessata l-informazzjoni dwar is-sjieda benefiċjarja;
|
|
(c)
|
meta, abbażi tal-informazzjoni li jkollu, l-entità responsabbli għar-reġistru ċentrali jkollha raġuni valida biex taħseb li l-informazzjoni ma tkunx ser tintuża għall-finijiet li għalihom tkun intalbet jew li l-informazzjoni tkun ser tintuża għal finijiet li mhumiex marbuta mal-prevenzjoni tal-ħasil tal-flus, ir-reati predikati tigħu jew il-finanzjament tat-terroriżmu;
|
|
(d)
|
tapplika waħda jew aktar mis-sitwazzjonijiet imsemmija fl-Artikolu 15;
|
|
(e)
|
fil-każijiet imsemmija fil-paragrafu 3, l-interess leġittimu biex tiġi aċċessata l-informazzjoni dwar is-sjieda benefiċjarja aċċettat mir-reġistru ċentrali ta' Stat Membru ieħor ma jestendix għall-finijiet li għalihom tintalab l-informazzjoni;
|
|
(f)
|
meta l-applikant ikun f'pajjiż terz u t-tweġiba għat-talba għall-aċċess għall-informazzjoni ma tikkonformax mad-dispożizzjonijiet tal-Kapitolu V tar-Regolament (UE) 2016/679.
|
L-Istati Membri għandhom jiżguraw li l-entitajiet responsabbli għar-reġistri ċentrali jqisu li jitolbu informazzjoni jew dokumenti addizzjonali mill-applikant qabel ma jirrifjutaw talba għall-aċċess għar-raġunijiet elenkati fil-punti (a), (b), (c) u (e) tal-ewwel subparagrafu. Meta l-entitajiet responsabbli għarreġistri ċentrali jitolbu informazzjoni addizzjonali, l-iskadenza ta' żmien biex tingħata tweġiba għandu jiġi estiż b'sebat ijiem tax-xogħol.