Airteagal 49 Coláistí maoirseachta AML/CFT san earnáil airgeadais

1.   Áiritheoidh na Ballstáit go gcuirfidh an maoirseoir airgeadais atá i gceannas ar mháthairghnóthas grúpa institiúidí creidmheasa nó institiúidí airgeadais nó ar cheannoifig institiúide creidmheasa nó institiúide airgeadais coláistí maoirseachta tiomnaithe AML/CFT ar bun in aon cheann de na cásanna seo a leanas:

2.   Is iad seo a leanas buanchomhaltaí an choláiste an maoirseoir airgeadais atá i gceannas ar an máthairghnóthas nó ar an gceannoifig, na maoirseoirí airgeadais atá i gceannas ar bhunaíochtaí i mBallstáit óstacha agus na maoirseoirí airgeadais atá i gceannas ar bhonneagar sna Ballstáit óstacha de bhun Airteagal 38.

3.   Ní bheidh feidhm ag an Airteagal seo nuair a fheidhmíonn AMLA mar mhaoirseoir.

4.   Beidh gníomhaíochtaí na gcoláistí maoirseachta AML/CFT comhréireach le leibhéal na rioscaí sciúrtha airgid agus maoinithe na sceimhlitheoireachta ar a bhfuil an institiúid creidmheasa nó an institiúid airgeadais nó an grúpa neamhchosanta, agus le scála a gníomhaíochtaí trasteorann.

5.   Chun críocha mhír 1, áiritheoidh na Ballstáit go ndéanfaidh na maoirseoirí airgeadais an méid seo a shainaithint:

6.   I gcásanna seachas na cásanna a chumhdaítear le hAirteagal 38, ina ndéanann institiúidí creidmheasa nó institiúidí airgeadais gníomhaíochtaí i mBallstáit eile faoin tsaoirse chun seirbhísí a sholáthar, féadfaidh maoirseoir airgeadais an Bhallstáit baile cuireadh a thabhairt do mhaoirseoirí airgeadais na mBallstát sin a bheith rannpháirteach sa choláiste mar bhreathnóirí.

7.   I gcás ina n-áirítear aon eintiteas faoi oibleagáid san earnáil seach-airgeadais i ngrúpa institiúidí creidmheasa nó institiúid airgeadais, tabharfaidh an maoirseoir airgeadais a chuireann an coláiste ar bun cuireadh do mhaoirseoirí na n-eintiteas sin faoi oibleagáid a bheith rannpháirteach sa choláiste.

8.   Féadfaidh na Ballstáit a cheadú go gcuirfí coláistí maoirseachta AML/CFT ar bun i gcás ina bhfuil bunaíochtaí bunaithe in dhá thríú tír ar a laghad ag institiúid creidmheasa nó institiúid airgeadais atá bunaithe san Aontas. Féadfaidh maoirseoirí airgeadais iarraidh ar a gcontrapháirtithe sna tríú tíortha sin an coláiste a chur ar bun. Bunóidh na maoirseoirí airgeadais atá rannpháirteach sa choláiste comhaontú i scríbhinn ina mbeidh mionsonraí ar na coinníollacha agus na nósanna imeachta a bhaineann leis an gcomhar agus leis an malartú faisnéise.

9.   Áiritheoidh na Ballstáit go n-úsáidfear coláistí, i measc nithe eile, chun faisnéis a mhalartú, cúnamh frithpháirteach a sholáthar nó an cur chuige maoirseachta i leith an ghrúpa nó na hinstitiúide a chomhordú, lena n-áirítear, i gcás inarb ábhartha, bearta iomchuí comhréireacha a dhéanamh chun aghaidh a thabhairt ar sháruithe tromchúiseacha ar Rialacháin (AE) 2024/1624 agus (AE) 2023/1113 a bhraitear ar leibhéal an ghrúpa nó na hinstitiúide creidmheasa nó na hinstitiúide airgeadais nó sna bunaíochtaí arna gcur ar bun ag an ngrúpa nó ag an institiúid i ndlínse maoirseora atá rannpháirteach sa choláiste.

10.   Féadfaidh AMLA freastal ar chruinnithe choláistí maoirseachta AML/CFT agus éascóidh sé a gcuid oibre i gcomhréir le hAirteagal 31 de Rialachán (AE) 2024/1620. I gcás ina gcinnfidh AMLA páirt a ghlacadh i gcruinnithe choláiste maoirseachta AML/CFT, beidh stádas breathnóra aige.

11.   Féadfaidh maoirseoirí airgeadais cead a thabhairt dá gcontrapháirtithe i dtríú tíortha bheith rannpháirteach mar bhreathnóirí i gcoláistí maoirseachta AML/CFT sa chás dá dtagraítear i mír 1, pointe (b) nó i gcás ina n-oibríonn grúpaí nó institiúidí creidmheasa nó institiúidí airgeadais de chuid an Aontais brainsí agus fochuideachtaí sna tríú tíortha sin, ar choinníoll:

Áiritheoidh na Ballstáit go ndéanfaidh na maoirseoirí airgeadais a chuireann na coláistí ar bun measúnú an bhfuil coinníollacha na chéad fhomhíre á gcomhlíonadh agus cuirfidh siad faoi bhráid bhuanchomhaltaí an choláiste é. Déanfar an measúnú sin sula gceadófar don chontrapháirtí tríú tír dul isteach sa choláiste agus féadfar é a dhéanamh arís de réir mar is gá ina dhiaidh sin. Féadfaidh maoirseoirí airgeadais an Bhallstáit baile tacaíocht a lorg ó AMLA chun an measúnú sin a dhéanamh.

12.   I gcás ina measfaidh buanchomhaltaí an choláiste gur gá sin, féadfar cuireadh a thabhairt do bhreathnóirí breise, ar choinníoll go gcomhlíontar na ceanglais rúndachta. Féadfaidh maoirseoirí stuamachta a áireamh ar bhreathnóirí, lena n-áirítear BCE ag gníomhú dó i gcomhréir le Rialachán (AE) Uimh. 1024/2013 ón gComhairle (43), chomh maith leis na hÚdaráis Mhaoirseachta Eorpacha agus na FIUnna.

13.   I gcás ina n-easaontaíonn comhaltaí coláiste maidir leis na bearta atá le déanamh i ndáil le heintiteas faoi oibleagáid, féadfaidh siad an t-ábhar a tharchur chuig AMLA agus a chúnamh a iarraidh i gcomhréir le hAirteagal 33 de Rialachán (AE) 2024/1620.

14.   Faoin 10 Iúil 2026 [24 mhí ó dháta theacht i bhfeidhm na Treorach seo], forbróidh AMLA dréachtchaighdeáin theicniúla rialála agus cuirfidh sé faoi bhráid an Choimisiúin iad chun go nglacfaí iad. Sonrófar sna dréachtchaighdeáin theicniúla rialála sin:

Tarmligtear an chumhacht chuig an gCoimisiún an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 49 go 52 de Rialachán (AE) 2024/1620.