Artikolu 49 Kulleġġi superviżorji għall-AML/CFT fis-settur finanzjarju

1.   L-Istati Membri għandhom jiżguraw li jiġu stabbiliti kulleġġi superviżorji għall-AML/CFT dedikati mis-superviżur finanzjarju responsabbli għall-impriża omm fi grupp ta' istituzzjonijiet ta' kreditu jew istituzzjonijiet finanzjarji jew tal-uffiċċju prinċipali ta' istituzzjoni ta' kreditu jew istituzzjoni finanzjarja fi kwalunkwe istituzzjoni minn dawn li ġejjin:

2.   Il-membri permanenti tal-kulleġġ għandhom ikunu s-superviżur finanzjarju inkarigat mill-impriża omm jew mill-uffiċċju prinċipali, is-superviżuri finanzjarji inkarigati mill-istabbilimenti fl-Istati Membri ospitanti u s-superviżuri finanzjarji inkarigati mill-infrastruttura fl-Istati Membri ospitanti skont l-Artikolu 38.

3.   Dan l-Artikolu ma għandux japplika fejn l-AMLA taġixxi bħala superviżur.

4.   L-attivitajiet tal-kulleġġi superviżorji għall-AML/CFT għandhom ikunu proporzjonati mal-livell tar-riskji tal-ħasil tal-flus u tal-finanzjament tat-terroriżmu li għalihom ikunu esposti l-istituzzjoni ta' kreditu jew istituzzjoni finanzjarja jew il-grupp, u għall-iskala tal-attivitajiet transfruntiera tagħha.

5.   Għall-finijiet tal-paragrafu 1, l-Istati Membri għandhom jiżguraw li s-superviżuri finanzjarji jidentifikaw:

6.   F'sitwazzjonijiet għajr dawk koperti mill-Artikolu 38, fejn istituzzjonijiet ta' kreditu jew istituzzjonijiet finanzjarji jwettqu attivitajiet fi Stati Membri oħra bil-libertà li jiġu pprovduti servizzi, is-superviżur finanzjarju tal-Istat Membru domiċiljari jista' jistieden lis-superviżuri finanzjarji ta' dawk l-Istati Membri biex jipparteċipaw fil-kulleġġ bħala osservaturi.

7.   Fejn grupp ta' istituzzjonijiet ta' kreditu jew istituzzjonijiet finanzjarji jkun jinkludi kwalunkwe entità marbuta b'obbligu fis-settur mhux finanzjarju, is-superviżur finanzjarju li jistabbilixxi l-kulleġġ għandu jistieden lis-superviżuri ta' dawk l-entitajiet marbutin b'obbligu biex jipparteċipaw fil-kulleġġ.

8.   L-Istati Membri jistgħu jippermettu l-istabbiliment ta' kulleġġi superviżorji għall-AML/CFT meta istituzzjoni ta' kreditu jew istituzzjoni finanzjarja stabbilita fl-Unjoni tkun stabbiliet stabbilimenti f'mill-inqas żewġ pajjiżi terzi. Is-superviżuri finanzjarji jistgħu jistiednu lill-kontropartijiet tagħhom f'dawk il-pajjiżi terzi biex jistabbilixxu tali kulleġġ. Is-superviżuri finanzjarji li jipparteċipaw fil-kulleġġ għandhom jistabbilixxu ftehim bil-miktub li jiddeskrivi l-kundizzjonijiet u l-proċeduri tal-kooperazzjoni u tal-iskambju ta' informazzjoni.

9.   L-Istati Membri għandhom jiżguraw li l-kulleġġi jintużaw, fost l-oħrajn, biex jiskambjaw informazzjoni, jagħtu għajnuna reċiproka jew jikkoordinaw l-approċċ superviżorju għall-grupp jew l-istituzzjoni, inkluż, fejn rilevanti, it-teħid ta' miżuri xierqa u proporzjonali biex jindirizzaw ksur serju tar-Regolamenti (UE) 2024/1624 u (UE) 2023/1113 li jinkixef fil-livell tal-grupp jew tal-istituzzjoni ta' kreditu jew istituzzjoni finanzjarja jew fl-istabbilimenti stabbiliti mill-grupp jew l-istituzzjoni fil-ġuriżdizzjoni tas-superviżur li jkun jipparteċipa fil-kulleġġ.

10.   L-AMLA tista' tattendi l-laqgħat tal-kulleġġi superviżorji tal-AML/CFT u għandha tiffaċilita l-ħidma tagħhom f'konformità mal-Artikolu 31 tar-Regolament (UE) 2024/1620. Meta l-AMLA tiddeċiedi li tipparteċipa fil-laqgħat ta' kulleġġ superviżorju għall-AML/CFT, hija għandu jkollha l-istatus ta' osservatur.

11.   Is-superviżuri finanzjarji jistgħu jippermettu lill-kontropartijiet tagħhom f'pajjiżi terzi jipparteċipaw bħala osservaturi fil-kulleġġi superviżorji għall-AML/CFT fil-każ imsemmi fil-paragrafu 1, il-punt (b) jew meta gruppi jew istituzzjonijiet ta' kreditu jew istituzzjonijiet finanzjarji tal-Unjoni joperaw fergħat u sussidjarji f'dawk il-pajjiżi terzi, dment li:

L-Istati Membri għandhom jiżguraw li s-superviżuri finanzjarji li jistabbilixxu l-kulleġġi jwettqu valutazzjoni dwar jekk il-kundizzjonijiet tal-ewwel subparagrafu humiex issodisfati u jippreżentawha lill-membri permanenti tal-kulleġġ. Dik il-valutazzjoni għandha titwettaq qabel ma l-kontroparti ta' pajjiż terz titħalla tissieħeb mal-kulleġġ u tista' tiġi ripetuta kif meħtieġ minn hemm 'il quddiem. Is-superviżuri finanzjarji tal-Istat Membru domiċiljaru jistgħu jfittxu l-appoġġ tal-AMLA għat-twettiq ta' dik il-valutazzjoni.

12.   Fejn jitqies meħtieġ mill-membri permanenti tal-kulleġġ, jistgħu jiġu mistiedna osservaturi addizzjonali, dment li jkun hemm konformità mar-rekwiżiti ta' kunfidenzjalità. L-osservaturi jistgħu jinkludu superviżuri prudenzjali, inkluż il-BĊE li jaġixxi skont ir-Regolament tal-Kunsill (UE) Nru 1024/2013 (43), kif ukoll l-Awtoritajiet Superviżorji Ewropej u l-FIUs.

13.   Fejn il-membri ta' kulleġġ ma jaqblux dwar il-miżuri li għandhom jittieħdu fir-rigward ta' entità marbuta b'obbligu, jistgħu jirreferu l-kwistjoni lill-AMLA u jitolbu l-għajnuna tagħha f'konformità mal-Artikolu 33 tar-Regolament (UE) 2024/1620.

14.   Sal-10 ta’ Lulju 2026, l-AMLA għandha tiżviluppa abbozz ta' standards tekniċi regolatorji u tippreżentah lill-Kummissjoni għall-adozzjoni. Dawk l-abbozzi ta' standards tekniċi regolatorji għandhom jispeċifikaw:

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu f'konformità mal-Artikoli 49 sa 52 tar-Regolament (UE) 2024/1620.