Airteagal 11 Tréimhsí teorann

1.   Maidir leis na cionta coiriúla dá dtagraítear in Airteagail 3 agus 4, déanfaidh na Ballstáit na bearta is gá chun foráil a dhéanamh maidir le tréimhse teorann chun go bhféadfar na cionta sin a imscrúdú, a ionchúiseamh, a chur chun trialach agus breithniú a dhéanamh orthu ar feadh tréimhse leordhóthanach ama ón tráth a dhéantar na cionta coiriúla sin, chun dul i ngleic go héifeachtach leis na cionta coiriúla sin.

2.   5 bliana ar a laghad a bheidh sa tréimhse teorann dá dtagraítear i mír 1 ó chion coiriúil a dhéanamh a bhféadfar uastéarma príosúnachta cúig bliana ar a laghad a ghearradh ina leith.

3.   Déanfaidh na Ballstáit na bearta is gá chun foráil a dhéanamh maidir le tréimhse teorann 5 bliana ar a laghad ó dháta an chiontaithe deiridh i gcion coiriúil dá dtagraítear in Airteagail 3 agus 4 lena gcumasófar forfheidhmiú na bpionós seo a leanas a forchuireadh tar éis an chiontaithe sin:

4.   De mhaolú ar mhíreanna 2 agus 3, féadfaidh na Ballstáit tréimhse teorann a bhunú atá níos giorra ná 5 bliana, ach nach giorra ná 3 bliana, ar choinníoll go bhféadfar an tréimhse teorann sin a bhriseadh nó a chur ar fionraí i gcás gníomhartha sonraithe.