Artikolu 11 Perjodi ta’ preskrizzjoni

1.   L-Istati Membri għandhom jieħdu l-miżuri meħtieġa biex jipprevedu perjodu ta’ preskrizzjoni li jippermetti l-investigazzjoni, il-prosekuzzjoni u l-proċess tar-reati kriminali u d-deċiżjoni dwarhom imsemmija fl-Artikoli 3 u 4 għal perjodu ta’ żmien suffiċjenti wara li jkunu twettqu dawk ir-reati kriminali, sabiex dawk ir-reati kriminali jkunu jistgħu jiġu indirizzati b’mod effettiv.

2.   Il-perjodu ta’ preskrizzjoni msemmi fil-paragrafu 1 għandu jkun ta’ mill-inqas ħames snin minn meta jkun twettaq reat kriminali punibbli b’terminu ta’ priġunerija massimu ta’ mill-inqas ħames snin.

3.   L-Istati Membri għandhom jieħdu l-miżuri meħtieġa biex jipprovdu għal perjodu ta’ preskrizzjoni ta’ mill-inqas ħames snin mid-data tas-sentenza finali msemmija fl-Artikoli 3 u 4 li jippermetti l-infurzar tal-pieni li ġejjin imposti wara kundanna:

4.   B’deroga mill-paragrafi 2 u 3, l-Istati Membri jistgħu jistabbilixxu perjodu ta’ preskrizzjoni li jkun iqsar minn ħames snin, iżda mhux iqsar minn tliet snin, dment li tali perjodu ta’ preskrizzjoni jkun jista’ jiġi interrott jew sospiż f’każ ta’ atti speċifikati.