Airteagal 17 Cinntí comhpháirteacha

1.   Féachfaidh maoirseoirí grúpa, údaráis mhaoirseachta, údaráis réitigh ar ghrúpleibhéal agus údaráis réitigh leis na cinntí comhpháirteacha a dhéanamh dá dtagraítear in Airteagal 8(2), Airteagal 11(4) agus Airteagal 16(4), de réir mar is infheidhme, laistigh de 4 mhí ón dáta:

Féadfaidh EIOPA, arna iarraidh sin ag údarás maoirseachta nó údarás réitigh, cúnamh a thabhairt do na maoirseoirí grúpa, na húdaráis mhaoirseachta, na húdaráis réitigh ar ghrúpleibhéal agus na húdaráis réitigh cinneadh comhpháirteach a dhéanamh i gcomhréir le hAirteagal 31(2), pointe (c), de Rialachán (AE) Uimh. 1094/2010.

2.   Mura ndéanfar cinneadh comhpháirteach laistigh den tréimhse dá dtagraítear i mír 1, an chéad fhomhír, an fhoclaíocht réamhráiteach, maidir le haon cheann de na hábhair seo a leanas, déanfaidh an maoirseoir grúpa nó an t-údarás réitigh ar ghrúpleibhéal, de réir mar is infheidhme, a chinneadh féin maidir leis na hábhair sin:

Beidh réasún iomlán leis an gcinneadh a dhéanfaidh an maoirseoir grúpa nó an t-údarás réitigh ar ghrúpleibhéal, de réir mar is infheidhme, agus cuirfear san áireamh ann tuairimí agus agúis na n-údarás maoirseachta nó na n-údarás réitigh eile, de réir mar is infheidhme, a cuireadh in iúl le linn na tréimhse dá dtagraítear i mír 1, an chéad fhomhír, an fhoclaíocht réamhráiteach. Tabharfar an cinneadh don mháthairghnóthas deiridh agus do na húdaráis eile lena mbaineann.

3.   Mura ndéanfar cinneadh comhpháirteach, laistigh den tréimhse dá dtagraítear i mír 1, an chéad fhomhír, an fhoclaíocht réamhráiteach, idir na húdaráis mhaoirseachta nó na húdaráis réitigh maidir le haon cheann de na hábhair seo a leanas, déanfaidh gach údarás maoirseachta nó údarás réitigh, de réir mar is infheidhme, d’fhoghnóthas a chinneadh féin.

4.   Mura ndéanfaidh na húdaráis réitigh cinneadh comhpháirteach maidir le plean réitigh grúpa a ghlacadh, dá dtagraítear in Airteagal 11(4), laistigh den tréimhse dá dtagraítear i mír 1, an chéad fhomhír, an fhoclaíocht réamhráiteach, den Airteagal seo, déanfaidh gach údarás réitigh atá freagrach as foghnóthas a chinneadh féin agus déanfaidh sé plean réitigh a tharraingt suas agus a choimeád cothrom le dáta le haghaidh na n-eintiteas faoina dhlínse. Tabharfaidh gach údarás réitigh fógra faoina chinneadh do chomhaltaí eile an choláiste réitigh.

5.   Beidh réasún iomlán le gach ceann de na cinntí a dhéanfaidh na húdaráis mhaoirseachta nó réitigh i gcomhréir le mír 3 nó 4 agus cuirfear san áireamh iontu tuairimí agus agúis na n-údarás maoirseachta eile, na n-údarás réitigh eile, na maoirseoirí grúpa eile nó na n-údarás réiteach ar ghrúpleibhéal eile, de réir mar is infheidhme.

6.   Féadfaidh na húdaráis mhaoirseachta nó na húdaráis réitigh nach n-easaontaíonn le cinneadh dá dtagraítear i míreanna 3 agus 4 cinneadh comhpháirteach a dhéanamh maidir le plean réamhghabhálach grúpa téarnaimh nó plean réitigh grúpa lena gcumhdaítear grúpeintitis faoina ndlínse.

7.   I gcás inar chuir, faoi dheireadh na tréimhse dá dtagraítear i mír 1, an chéad fhomhír, an fhoclaíocht réamhráiteach, aon cheann de na húdaráis mhaoirseachta nó na húdaráis réitigh lena mbaineann ábhar faoi bhráid EIOPA i gcomhréir le hAirteagal 19 de Rialachán (AE) Uimh. 1094/2010, déanfaidh an maoirseoir grúpa, an t-údarás réitigh ar ghrúpleibhéal, an t-údarás maoirseachta nó an t-údarás réitigh lena mbaineann, de réir mar is infheidhme, a chinneadh a chur siar faoi mhíreanna 2, 3 agus 4 den Airteagal seo, fanfaidh sé ar aon chinneadh a d’fhéadfadh EIOPA a dhéanamh i gcomhréir le hAirteagal 19(3) den Rialachán sin, agus déanfaidh sé a chinneadh i gcomhréir le cinneadh EIOPA. Measfar gurb é an tréimhse dá dtagraítear i mír 1, an chéad fhomhír, an fhoclaíocht réamhráiteach, den Airteagal seo, an chéim idir-réitigh dá dtagraítear in Airteagal 19(2) den Rialachán sin. Déanfaidh EIOPA an cinneadh laistigh d’aon mhí amháin. Ní chuirfear an t-ábhar faoi bhráid EIOPA tar éis dheireadh na tréimhse dá dtagraítear i mír 1, an chéad fhomhír, an fhoclaíocht réamhráiteach, ná tar éis cinneadh comhpháirteach a dhéanamh. Mura mbeidh cinneadh ag EIOPA laistigh d’aon mhí amháin tar éis an tarchur a dhéanamh go EIOPA, beidh feidhm ag cinneadh an mhaoirseora grúpa, an údaráis réitigh ar ghrúpleibhéal, an údaráis maoirseachta nó an údaráis réitigh don ghrúpa nó don fhoghnóthas ar leibhéal aonair, de réir mar is infheidhme.

8.   Déanfar na cinntí comhpháirteacha dá dtagraítear in Airteagal 8(2), Airteagal 11(4), Airteagal 16(4) agus mír 6 den Airteagal seo agus na cinntí dá dtagraítear i míreanna 2, 3 agus 4 den Airteagal seo a aithint mar chinntí dochloíte agus cuirfidh na húdaráis mhaoirseachta nó na húdaráis réitigh sna Ballstáit lena mbaineann i bhfeidhm iad.

9.   I gcás ina ndéantar cinntí comhpháirteacha de bhun Airteagal 11(4) agus, i leith pleananna réitigh grúpa, de bhun mhír 6 den Airteagal seo agus i gcás ina measann údarás réitigh go gcuireann ábhar easaontais maidir le pleananna réitigh grúpa isteach ar fhreagrachtaí fioscacha a Bhallstáit, cuirfidh an t-údarás réitigh ar ghrúpleibhéal tús le hathmheasúnú ar an bplean réitigh grúpa.