Airteagal 2 Sainmhínithe

ciallaíonn “uisce atá beartaithe lena thomhailt ag an duine”:

ciallaíonn “córas dáileacháin baile” an phíbobair, na feistis agus na fearais atá suiteáilte idir na buacairí a úsáidtear de ghnáth chun uisce atá beartaithe lena thomhailt ag an duine a sholáthar in áitribh phoiblí agus phríobháideacha araon agus an gréasán dáileacháin, i gcás nach bhfuil na nithe sin de fhreagracht ar an soláthróir uisce, ina cháil mar sholáthróir uisce, faoin dlí náisiúnta iomchuí, agus sa chás sin amháin;

ciallaíonn “soláthróir uisce” eintiteas a sholáthraíonn uisce atá beartaithe lena thomhailt ag an duine;

ciallaíonn “áitreabh tosaíochta” áitreabh mór neamhtheaghlaigh ina bhfuil a lán úsáideoirí a d’fhéadfadh a bheith neamhchosanta ar rioscaí a bhaineann le huisce, go háirithe áitreabh mór d’úsáid phoiblí, arna shainaithint ag na Ballstáit;

ciallaíonn “gnó bia” gnó bia mar a shainmhínítear é i bpointe (2) d’Airteagal 3 de Rialachán (CE) Uimh. 178/2002;

ciallaíonn “oibreoir gnó bia” oibreoir gnó bia mar a shainmhínítear é i bpointe (3) d’Airteagal 3 de Rialachán (CE) Uimh. 178/2002;

ciallaíonn “guais” oibreán bitheolaíoch, ceimiceach, fisiciúil nó raideolaíoch in uisce, nó gné eile maidir le riocht an uisce, lena bhféadfaí dochar a dhéanamh do shláinte an duine;

ciallaíonn “eachtra ghuaiseach” eachtra lena dtugtar isteach guaiseacha don chóras soláthair uisce atá beartaithe lena thomhailt ag an duine, nó eachtra nach n-éiríonn léi na guaiseacha sin a bhaint den chóras;

ciallaíonn “riosca” meascán den dóchúlacht go dtarlódh eachtra ghuaiseach agus déine na n-iarmhairtí dá dtarlódh an ghuais agus an eachtra ghuaiseach sa chóras soláthair uisce atá beartaithe lena thomhailt ag an duine;

ciallaíonn “substaint tosaithe” substaint a cuireadh isteach d’aon ghnó i dtáirgeadh ábhar orgánach nó meascán le haghaidh ábhair stroighniúla;

ciallaíonn “comhdhéanamh” an comhdhéanamh ceimiceach atá ag miotal, cruan, ceirmeach nó ábhar neamhorgánach eile.