Airteagal 13 Tairbhithe an chomhair

(a)

na húdaráis rialála inniúla i réimse na sábháilteachta núicléiche agus na heagraíochtaí tacaíochta teicniúla a ainmnítear dóibh, chun a scileanna teicniúla, a neamhspleáchas agus atreisiú an chreata rialála sna hábhair ábhartha a mhéid a bhaineann le sábháilteacht núicléach agus cosaint ar radaíocht a ráthú;

(b)

na gníomhaireachtaí náisiúnta atá i gceannas ar bhainistiú sábháilte na dramhaíola radaighníomhaí chun gur féidir í a aicmiú, a chlárú agus a chuntas agus a stóráil go sábháilte;

(c)

aon gheallsealbhóirí i státchóras arb é a mhisean ábhar núicléach a chuntas agus a rialú chun coimircí éifeachtúla éifeachtacha a bhunú;

(d)

oibreoirí stáisiún núicléach, i gcásanna eisceachtúla, teoranta do chur chun feidhme an mholta ón athbhreithniú piaraí ar an measúnú riosca agus sábháilteachta (tástálacha struis) arna dhéanamh ag ENSREG.

(a)

nósanna imeachta agus córais an chreata rialála a atreisiú;

(b)

socruithe éifeachtacha a bhunú chun timpistí ag a mbíonn iarmhairtí raideolaíocha a chosc, lena n-áirítear nochtadh de thimpiste, mar aon le maolú na n-iarmhairtí sin má tharlaíonn siad;

(c)

straitéisí agus creataí, modheolaíochtaí, teicneolaíocht agus cineálacha cur chuige a fhorbairt agus a chur chun feidhme chun bainistiú freagrach sábháilte a dhéanamh ar bhreosla spíonta agus dramhaíl radaighníomhach;

(d)

tacaíocht chun sábháilteacht suiteálacha agus suíomhanna núicléacha a áirithiú maidir le bearta cosanta praiticiúla atá ceaptha chun rioscaí a bhaineann le radaíocht atá ann cheana do shláinte oibrithe agus an phobail go ginearálta a laghdú;

(e)

straitéisí agus creataí a fhorbairt agus a chur chun feidhme chun suiteálacha núicléacha atá ann cheana féin a dhíchoimisiúnú, chun iar-shuíomhanna núicléacha agus láithreacha táirgeachta stairiúla úráiniam a fheabhsú, agus chun nithe radaighníomhacha a chuaigh go tóin poill agus ábhar ar muir a aisghabháil agus a bhainistiú;

(f)

an creat rialála, na modheolaíochtaí, an teicneolaíocht agus na cineálacha cur chuige is gá a bhunú chun coimircí núicléacha a chur chun feidhme, lena n-áirítear chun cuntasacht cheart agus rialú ceart a dhéanamh ar ábhair inscoilte ar leibhéal an stáit agus ar leibhéal oibreoirí;

(g)

tacaíocht chun pearsanra a oiliúint;

(h)

soláthar teoranta trealaimh i gcásanna eisceachtúla le haghaidh oibreoirí stáisiún núicléach, dá dtagraítear i bpointe (d) de mhír 1.