Artikolu 13 Benefiċjarji ta’ kooperazzjoni

(a)

l-awtoritajiet regolatorji kompetenti fil-qasam tas-sikurezza nukleari u l-organizzazzjonijiet ta’ appoġġ tekniku maħtura għalihom, biex jiggarantixxu l-ħiliet tekniċi tagħhom, l-indipendenza u t-tisħiħ tal-qafas regolatorju fis-suġġetti rilevanti fir-rigward tas-sikurezza nukleari u l-protezzjoni mir-radjazzjoni;

(b)

l-aġenziji nazzjonali inkarigati mill-ġestjoni sikura tal-iskart radjuattiv, biex jippermettu l-kategorizzazzjoni, ir-reġistrazzjoni u r-responsabbiltà u l-ħżin sikur tiegħu;

(c)

kwalunkwe parti ikkonċernata f’missjoni tas-sistema tal-istat għall-kontabbilità u l-kontroll tal-materjal nukleari biex jiġu stabbiliti salvagwardji effiċjenti u effettivi;

(d)

operaturi tal-impjanti tal-enerġija nukleari, f’każijiet eċċezzjonali, limitati għall-implimentazzjoni tar-rakkomandazzjoni tal-evalwazzjoni bejn il-pari tal-valutazzjoni tar-riskju u s-sikurezza (simulazzjonijiet ta’ kriżi) imwettqa mill-ENSREG.

(a)

tisħiħ tal-proċeduri u s-sistemi tal-qafas regolatorju;

(b)

stabbiliment ta’ arranġamenti effettivi għall-prevenzjoni ta’ aċċidenti b’konsegwenzi radjoloġiċi, inkluż l-esponiment aċċidentali, kif ukoll il-mitigazzjoni ta’ konsegwenzi bħal dawn fil-każ li jseħħu;

(c)

żvilupp u implimentazzjoni ta’ strateġiji u oqfsa, metodoloġiji, teknoloġija u approċċi, għall-ġestjoni responsabbli u sikura ta’ fjuwil użat u skart radjuattiv;

(d)

appoġġ għall-iżgurar tas-sikurezza tal-installazzjonijiet u siti nukleari fir-rigward tal-miżuri protettivi prattiċi mfassla biex jitnaqqsu r-riskji eżistenti relatati mar-radjazzjoni għas-saħħa tal-ħaddiema u l-pubbliku ġenerali;

(e)

żvilupp u implimentazzjoni ta’ strateġiji u oqfsa għad-dekummissjonar ta’ installazzjonijiet nukleari eżistenti, għar-rimedjazzjoni ta’ dawk li kienu siti nukleari u siti storiċi relatati mat-tħaffir għall-uranju, u għall-irkupru u l-ġestjoni ta’ oġġetti u materjal radjuattiv mgħarraq fil-baħar;

(f)

stabbiliment tal-qafas regolatorju, il-metodoloġiji, it-teknoloġija u l-approċċi meħtieġa għall-implimentazzjoni ta’ salvagwardji nukleari, inkluż għar-rendikont u l-kontroll xierqa ta’ materjal fissili fil-livell tal-Istat u tal-operaturi;

(g)

appoġġ għall-infrastruttura u t-taħriġ tal-persunal;

(h)

provvista limitata ta’ tagħmir f’każijiet eċċezzjonali għall-operaturi tal-impjanti tal-enerġija nukleari, kif imsemmija fil-punt (d) tal-paragrafu 1.