Airteagal 12 Forais le hOrduithe Eorpacha chun Fianaise a Thabhairt ar Aird a dhiúltú

go bhfuil na sonraí a iarradh faoi chosaint ag díolúintí nó pribhléidí arna ndeonú faoi dhlí an Stáit forfheidhmiúcháin lena gcuirtear cosc ar fhorghníomhú nó forfheidhmiú an ordaithe, nó go bhfuil na sonraí a iarradh cumhdaithe ag rialacha maidir le dliteanas coiriúil a bhaineann le saoirse an phreasa nó leis an tsaoirse chun tuairimí a nochtadh i meáin eile a chinneadh nó a theorannú, ar rialacha iad lena gcuirtear cosc ar fhorghníomhú nó ar fhorfheidhmiú an ordaithe;

i gcásanna eisceachtúla, go bhfuil forais shubstaintiúla ann lena chreidiúint, ar bhonn fianaise shonrach agus oibiachtúil, go mbeadh sárú follasach ar cheart bunúsach ábhartha mar a leagtar amach in Airteagal 6 CAE agus sa Chairt i gceist le forghníomhú an ordaithe i gcúinsí áirithe an cháis;

go mbeadh forghníomhú an ordaithe in aghaidh an phrionsabail ne bis in idem;

nach ionann an t-iompar ar ina leith a eisíodh an t-ordú agus cion faoi dhlí an Stáit forfheidhmiúcháin, murar rud é go mbaineann sé le cion a liostaítear laistigh de na catagóirí cionta a leagtar amach in Iarscríbhinn IV, mar atá léirithe ag an údarás eisiúna san EPOC é, más rud é gur cion inphionóis sa Stát eisiúna é le pianbhreith coimeádta nó le hordú coinneála ar feadh uastréimhse 3 bliana ar a laghad;