Airteagal 18 Cur siar an spriocdháta gnóthachtála agus díolúine ón oibleagáid teorainnluachanna áirithe a chur i bhfeidhm

(a)

suas go dtí an 1 Eanáir 2040, má tá údar leis mar gheall ar shaintréithe scaipthe a bhaineann go sonrach le suíomh, dálaí teorann oragrafacha, dálaí aeráide díobhálacha nó rannchuidithe trasteorann, nó i gcás nach féidir na laghduithe is gá a bhaint amach ach amháin trí chodán suntasach de na córais téimh baile atá ann cheana agus arb iad is cúis le truailliú as a dtagann sáruithe; nó

(b)

suas go dtí an 1 Eanáir 2035, má tá údar cuí leis de bharr réamh-mheastacháin lena léirítear nach féidir na teorainnluachanna a bhaint amach faoin spriocdháta gnóthachtála, fiú agus an tionchar a mheastar a bheidh ag bearta éifeachtacha maidir le truailliú aeir a shainaithnítear sa treochlár aercháilíochta á chur san áireamh.

(a)

bunaítear treochlár aercháilíochta faoin 31 Nollaig 2028 lena gcomhlíontar na ceanglais a liostaítear in Airteagal 19(6), (7) agus (8) don limistéar sin lena mbainfeadh an cur siar;

(b)

an treochlár aercháilíochta dá dtagraítear i bpointe (a) den mhír seo, déantar é a fhorlíonadh le faisnéis maidir le bearta laghdaithe truaillithe aeir a liostaítear i bPointe B d’Iarscríbhinn VIII agus léirítear an dóigh a gcoimeádfar tréimhsí sáraithe os cionn na dteorainnluachanna chomh gearr agus is féidir;

(c)

tá réamh-mheastacháin aercháilíochta mar bhonn taca leis an treochlár aercháilíochta dá dtagraítear i bpointe (a) den mhír seo, lena n-áirítear na réamh-mheastacháin sin a dhéantar chun críocha Pointe A, pointe 5 agus pointe 7(e), d’Iarscríbhinn VIII, lena léirítear conas a bhainfear amach na teorainnluachanna a luaithe is féidir agus tráth nach déanaí ná deireadh an spriocdháta gnóthachtála a cuireadh siar, agus bearta réasúnta agus comhréireacha á gcur san áireamh;

(d)

leagtar amach sa treochlár aercháilíochta dá dtagraítear i bpointe (a) den mhír seo conas a chuirfear an pobal agus, go háirithe, ghrúpaí íogaire agus leochaileacha den daonra ar an eolas ar bhealach comhleanúnach agus sothuigthe faoi iarmhairtí an chur siar ar shláinte an duine agus ar an gcomhshaol;

(e)

leagtar amach sa treochlár aercháilíochta dá dtagraítear i bpointe (a) den mhír seo conas a shlógfar cistiú breise, lena n-áirítear trí chláir chistiúcháin ábhartha náisiúnta, agus trí chláir chistiúcháin ábhartha de chuid an Aontais i gcás inarb infheidhme, chun dlús a chur le feabhas a chur ar aercháilíocht sa limistéar a mbeadh feidhm ag an gcur siar maidir leis;

(f)

go gcomhlíonfar na coinníollacha a leagtar síos i mír 3 i rith na tréimhse ina gcuirtear an spriocdháta gnóthachtála siar;

(g)

i gcás ina gcuirtear sprioc-am gnóthachtála siar i gcomhréir le mír 1, an dara fomhír, léiríonn an treochlár aercháilíochta nuashonraithe dá dtagraítear san fhomhír sin gur cuireadh an chéad treochlár aercháilíochta chun feidhme nó gur glacadh céimeanna i bhfianaise a chur chun feidhme agus go ndéantar é a fhorlíonadh le hanailís lena léirítear nár tháinig na réamh-mheastacháin bhunaidh ar chomhlíonadh a rinneadh i gcomhréir le pointe (c) den mhír seo chun cinn.

(a)

tá na bearta sa treochlár aercháilíochta dá dtagraítear i mír 1 den Airteagal seo, i gcás inarb infheidhme mar a nuashonraítear é i gcomhréir le pointe (b) den mhír seo, á gcur chun feidhme, mar atá léirithe ag an mBallstát trí bhíthin tuarascáil cur chun feidhme, lena n-áirítear réamh-mheastacháin nuashonraithe ar astaíochtaí agus, i gcás inar féidir, ar thiúchaintí arna gcur ar fáil don Choimisiún ar bhonn dhá bhliain go leith agus den chéad uair faoin 30 Meitheamh 2031; i gcás inarb ábhartha, féadfar tagairt a dhéanamh do na cláir is déanaí agus do réamh-mheastacháin astaíochtaí arna dtuairisciú de bhun Threoir (AE) 2016/2284 agus don tuarascáil fardail fhaisnéiseach a ghabhann léi agus, i gcás inarb ábhartha, féadfar an tuarascáil cur chun feidhme a chomhtháthú sa treochlár aercháilíochta nuashonraithe;

(b)

go ndéanfar an treochlár aercháilíochta dá dtagraítear i mír 1 den Airteagal seo a thabhairt cothrom le dáta i gcomhréir le hAirteagal 19(5);

(c)

ón 1 Eanáir 2035, léiríonn na leibhéil tiúchana don truailleán ábhartha treocht laghdaitheach ghinearálta i gcomhréir le conair tháscach i dtreo comhlíonadh arna mheas i dtreochlár aercháilíochta nuashonraithe arna bhunú de bhun Phointe A, pointe 7(e), d’Iarscríbhinn VIII;

(d)

cuirtear na tuarascálacha cur chun feidhme agus na treochláir aercháilíochta nuashonraithe in iúl don Choimisiún laistigh de 2 mhí ó dháta a nglactha.